Супрацоўнікі газеты “Перамога” ўручылі прыз пераможцы конкурсу “Пейзажы Дзятлаўшчыны”, які завяршыўся 2 мая. Набраўшы 48 галасоў, у ім перамагла жыхарка гарпасёлка Наваельня Дар’я Ільіна.
Дзяўчына працуе настаўніцай у Наваельнянскай дзіцячай школе мастацтваў, захапляецца жывапісам і фатаграфіяй.
— Пейзажы роднага краю я малявала даўно. А калі з’явіліся сучасныя мабільныя тэлефоны, стала фатаграфаваць, — расказвае Дар’я.
Фотаздымку, на якім адлюстраваны краявіды Наваельні, аўтар дала назву “Наваколле Ятранкі”.
Віншуем пераможцу!
