Наш раён прымае актыўны ўдзел у патрыятычнай акцыі “Жывая памяць удзячных пакаленняў”, якая гэтымі днямі праходзіць па ўсёй Беларусі.
Яна арганізавана палітычнай партыяй “Белая Русь” і рэспубліканскім грамадскім аб’яднаннем “Белая Русь” у межах пагаднення з дабрачынным фондам Аляксея Талая.
Кіраўніцтва раёна на чале са старшынёй райвыканкама Андрэем Садоўскім, а таксама намеснік пракурора Дзятлаўскага раёна Сяргей Аляшкевіч наведалі Дзятлаўскі дзяржаўны гісторыка-краязнаўчы музей, каб перадаць манеты на будаўніцтва трэцяга памятнага знака “Жывая памяць удзячных пакаленняў” да юбілею Вялікай Перамогі і ў памяць аб героях Айчыны ўсіх часоў.
– У 2024 годзе наш раён быў удастоены вымпела “За мужнасць і стойкасць у гады Вялікай Айчыннай вайны” да 80-годдзя вызвалення Беларусі ад нямецка-фашысцкіх захопнікаў. Для Дзятлаўшчыны вялікі гонар сёлета прадоўжыць эстафету Памяці, далучыцца да ўсенароднай акцыі. Помнік, які будзе ўсталяваны ў Маскве ў гонар Вялікай Перамогі савецкага народа над фашызмам, стане сімвалам павагі і ўдзячнасці да тых, хто змагаўся за мірную будучыню, набліжаў Перамогу, але, на жаль, не пабачыў яе. Народны манумент будзе нагадваць пра важнасць захавання гістарычнай памяці і выхавання пачуцця патрыятызму ў падрастаючага пакалення. Гэта акцыя павінна стаць сапраўды ўсеахопнай, напамінам аб подзвігу савецкага салдата сённяшнім і будучым пакаленням, – адзначыў Андрэй Уладзіміравіч.
Усе манеты, сабраныя за час акцыі жыхарамі Беларусі і Расіі, будуць пераплаўлены і ўвойдуць у састаў помніка, які ўрачыста адкрыюць 9 мая на Паклоннай гары ў Маскве.
У межах акцыі “Жывая памяць удзячных пакаленняў” у кожнага дзятлаўчаніна ёсць магчымасць зрабіць свой уклад ва ўвекавечанне подзвігу пакалення пераможцаў і матэрыяльнае ўвасабленне гістарычнай памяці. Спецыяльныя ёмістасці для збору манет усталяваны ва ўстановах адукацыі, адміністрацыйных будынках арганізацый Дзятлаўшчыны. Акцыя прадоўжыцца да 11 красавіка 2025 года.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#акция #нашалепшае #нашелучшее
6 кастрычніка 2026 года начальнікам цэнтра банкаўскіх паслуг № 422 у горадзе Дзятлаве рэгіянальнай дырэкцыі…
У Парэцкім сельвыканкаме прайшло пасяджэнне мясцовага савета грамадскага пункта аховы правапарадку, сумешчанае з выязным кірмашом…
Эти люди ежедневно создают праздничную атмосферу. Накануне профессионального праздника состоялась торжественная церемония награждения лучших представителей…
Как отметили в Дятловском РУП ЖКХ, с сегодняшнего дня в районе начинается отопительный период. В…
В Дятловском районе дан старт профилактической акции «Молодежь за безопасность». Первый этап традиционно прошел под…
По оперативным данным, сахарная свекла убрана с 48% площадей, накопано 2432 тыс. т корнеплода средней…