У Дзятлаве прайшло пасяджэнне камісіі садзейнічання кантролю за выкананнем заканадаўства аб свабодзе сумлення і рэлігійных арганізацыях пры райвыканкаме пад старшынствам намесніка старшыні райвыканкама Ігара Кухарэвіча.
Удзел у ім прынялі настаяцелі цэркваў усіх канфесій, супрацоўнікі сілавых структур, работнікі арганізацый раёна.
Ігар Кухарэвіч адзначыў, што царква прымае актыўны ўдзел у жыцці раёна, інфармаванні і маральным выхаванні грамадзян, са свайго боку, улады актыўна шдзельнічаюць у мерапрыемствах, якія ладзяцца ў храмах Дзятлаўшчыны, падтрымліваюць культавыя ўстановы раёна.
– Сёння царква і ўлада эфектыўна працуюць разам для людзей, выконваючы адзіныя маральныя і сацыяльныя задачы, – сказаў ён.
Старшы інспектар сектара нагляду і прафілактыкі Дзятлаўскага РАНС Сяргей Цвірко агучыў вынікі маніторынгу культавых збудаванняў раёна, адзначыў, што ўсе храмы адпавядаюць патрабаванням пажарнай бяспекі. Ён расказаў прысутным аб змяненнях пажарнага заканадаўства.
Дырэктар Дзятлаўскага гісторыка-краязнаўчага музея Вольга Цюшляева паведаміла, што на тэрыторыі Дзятлаўскага раёна размешчаны 13 культавых збудаванняў, якія маюць статус гісторыка-культурнай каштоўнасці рэспубліканскага і рэгіянальнага значэнняў. Згодна з патрабаваннямі Кодэксу аб культуры Рэспублікі Беларусь, павінны быць падпісаны ахоўныя абавязацельствы, размешчаны ахоўныя шыльды, распрацаваны праектны пакет дакументаў з вызначэннем межаў аб’екта. Калі культавы будынак з’яўляецца гісторыка-культурнай каштоўнасцю, перад пачаткам любых рамонтных работ патрэбна ўзгадніць іх з Міністэрствам культуры.
Намеснік пракурора Дзятлаўскага раёна Віталій Юрго далучыўся да дыялога, падзякаваўшы прадстаўнікам духавенства за эфектыўную прафілактычную работу па прадухіленні сямейна-бытавой злачыннасці, прывіццё важных маральных арыенціраў грамадзянам.
Начальнік аддзела ідэалагічнай работы, культуры і па справах моладзі райвыканкама Вольга Рагачова прапанавала прысутным абмеркаваць іншыя пытанні, звязаныя з узаемадзеяннем улады і царквы.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Восень пафарбавала дрэвы ў жоўты і барвовы колеры, ціха падае лісце, радуюць яркія астры і…
Президент Беларуси Александр Лукашенко подтвердил приверженность интеграции прежде всего на постсоветском пространстве. Соответствующие заявления он…
Немец Франц Райндль избран новым президентом Международной федерации хоккея (IIHF), сообщает БЕЛТА со ссылкой на…
Па добрай традыцыі на Дзятлаўшчыне аднымі з першых прышчапляюцца і падаюць прыклад іншым працоўным калектывам…
Нядаўна аўтапарк раённага Цэнтра па забеспячэнні дзейнасці бюджэтных і іншых арганізацый папоўніўся новым аўтобусам МАЗ…
В рамках мероприятий, посвященных Году белорусской женщины и Дню пожилых людей, областной центр посетил совет…