У гімназіі №1 горада Дзятлава з 2015 года функцыянуе рэпетытарскі цэнтр па аказанні платных адукацыйных паслугаў, асноўнымі задачамі якога з’яўляюцца ўсебаковае задавальненне адукацыйных патрэбаў вучняў і іх законных прадстаўнікоў, стварэнне ўмоваў для рэалізацыі вучнямі сваіх адукацыйных магчымасцяў.
Высокакваліфікаваныя педагогі дапамагаюць вучням справіцца з прабеламі ў ведах, паспяхова падрыхтавацца да цэнтралізаванага тэсціравання і выпускных іспытаў.
За мінулы навучальны год больш за 50 вучняў з розных школ горада і раёна займаліся ў нашым цэнтры. Яны павысілі ўзровень ведаў, падрыхтаваліся да здачы выпускных экзаменаў і цэнтралізаванага тэсціравання. Вучні рэпетытарскага цэнтра паспяхова здалі цэнтралізаванае тэсціраванне і сталі студэнтамі прэстыжных ВНУ Беларусі.
У 2017/2018 навучальным годзе рэпетытарскі цэнтр працягвае сваю работу. Мы запрашаем з 11 верасня 2017 года вучняў 5-11 класаў установаў адукацыі раёна на заняткі па рускай і беларускай мовах, матэматыцы, фізіцы, хіміі, геаграфіі, біялогіі, гісторыі, англійскай мове, інфарматыцы. Вопытныя і высокакваліфікаваныя педагогі будуць праводзіць як групавыя, так і індывідуальныя заняткі.
Па падрабязную інфармацыю па ўсіх пытаннях, якія вас цікавяць, звяртайцеся ў гімназію №1 горада Дзятлава.
А. БАРАНЕНКА,
намеснік дырэктара па вучэбнай рабоце гімназіі №1 г. Дзятлава
