Ужо некалькі гадоў запар вучні Жукоўшчынскага дзіцячага сада-базавай школы становяцца прызёрамі міжраённых і абласных спаборніцтваў па вольнай і грэка-рымскай барацьбе.
Не стаў выключэннем і сёлетні навучальны год, з пачатку якога жукоўшчынскімі спартсменамі заваяваны восем прызавых месцаў. Пераможцамі па вольнай і грэка-рымскай барацьбе сталі вучань чацвёртага класа Данііл Раянок, вучні сёмага класа Мілана Балакір і Дзмітрый Якшэвіч, вучаніцы восьмага класа Дар’я Балакір, Карына Тадарэнка і Марына Тадарэнка.
Дарэчы, Марына Тадарэнка заваявала два дыпломы І ступені, а Дар’я Балакір атрымала дыпломы І і ІІІ ступеняў.
Вынікова выступілі спартсменкі Жукоўшчынскага дзіцячага сада-базавай школы і на спартакіядзе ДЮСШ Гродзенскай вобласці па вольнай барацьбе. У асабістым заліку трэцяе месца занялі Карына Тадарэнка і Дар’я Балакір. Марына Тадарэнка стала чацвёртай, Мілана Балакір і Анастасія Штэйзель атрымалі пятае месца. У агульнакамандным заліку ў дзяўчынак чацвёртае месца сярод ДЮСШ Гродзенскай вобласці.
Барцы Жукоўшчынскага дзіцячага сада-базавай школы паказалі добры вынік, улічваючы тое, што каманда была адзінай з сельскіх школ.
Наперадзе ў нашых юных спартсменаў яшчэ шмат розных спаборніцтваў, будзем спадзявацца, што і яны таксама будуць паспяховымі.
Віктар ШАЛЕСНЫ,
настаўнік фізічнай культуры і здароўя Жукоўшчынскага дзіцячага сада-базавай школы
Сёлета ва ўстановах адукацыі Дзятлаўшчыны ўкаранёна новая форма аказання дапамогі і падтрымкі навучэнцам – “Пошта…
У Год беларускай жанчыны асабліва прыемна адзначаць поспехі тых, хто сваім талентам, адданасцю і шчырай…
На Дзятлаўшчыне прайшоў семінар-нарада па ўмовах і ахове працы, накіраваны на прафілактыку вытворчага траўматызму, для…
10 чэрвеня пляцоўка каля Дварэцкага дома культуры ператварылася ў сапраўдны кірмаш талентаў, спартыўнага запалу і…
10 чэрвеня Дзятлаўшчыну з рабочым візітам наведаў міністр жыллёва-камунальнай гаспадаркі Рэспублікі Беларусь Генадзь Трубіла. Ён…
Сёння на стадыёне “Колас” сабраліся самыя актыўныя, спартыўныя выхаванцы аздараўленчых летнікаў на раённую спартландыю “Звонкія…