У Дзятлаве на базе сярэдняй школы № 1 і стадыёна “Колас” прайшоў раённы этап рэспубліканскай ваенна-патрыятычнай гульні “Арляня”.
У ім прынялі ўдзел дзевяць каманд школ раёна.
– Поспехаў, сумленнай барацьбы, няхай пераможа наймацнейшы, – перад пачаткам спаборніцтваў пажадаў “арлянятам” ваенны камісар Дзятлаўскага раёна Генадзь Суравец.
Навучэнцам у рамках ваенізаванай эстафеты “Час каманды” неабходна было як можна хутчэй справіцца з комплексам задач: кінуць гранаты, паказаць веды па медыцынскай падрыхтоўцы, перанесці сваіх “хворых” таварышаў на насілках, сабраць рэчавы мяшок і разабраць аўтамат. У ваенна-спартыўным конкурсе “Мужнасць! Адвага! Гонар!” хлопцы і дзяўчаты выконвалі сілавыя практыкаванні. Таксама ўдзельнікі “Арляняці” стралялі з пнеўматычнай вінтоўкі, дэманстравалі страявую падрыхтоўку, адказвалі на пытанні ў інтэлектуальным квіз-турніры “Памятаем аб мінулым, ганарымся сучасным, думаем пра будучыню!”. На ваенна-патрыятычную гульню навучэнцы падрыхтавалі відэапрывітанні “Час моладзі”, намалявалі баявыя лісткі – усё гэта ацэньвала кампетэнтнае журы.
Вадзім ФІЛІПОЎСКІ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
