Як ужо было адзначана ў нашай газеце (№46 ад 17 чэрвеня 2017 года), пасля прыходу да ўлады ў Савецкім Саюзе Л. І. Брэжнева ў краіне сталі шырока адзначаць Дзень Перамогі над нямецка-фашысцкімі захопнікамі ў Вялікай Айчыннай вайне 1941-1945 гадоў. Дзень Перамогі Указам Прэзідыума Вярхоўнага Савета СССР зноў стаў выхадным днём. У многіх месцах праходзілі ваенныя парады, іншыя маштабныя святочныя мерапрыемствы.
У нашым раёне таксама з 1965 года шырока стаў адзначацца Дзень Перамогі. У святочныя дні на плошчы Дзятлава ў мітынгах і дэманстрацыях заўсёды ў першых шэрагах разам з працоўнымі ішлі ўдзельнікі Вялікай Айчыннай вайны – былыя франтавікі, партызаны, падпольшчыкі.
Акрамя таго, у юбілейныя гады праводзіліся сустрэчы былых воінаў з моладдзю. Стала традыцыяй ладзіць гэтыя мерапрыемствы ў месцах, дзе дыслакаваліся партызанскія атрады.
Такая сустрэча адбылася, у прыватнасці, 19 ліпеня 1975 года каля дома адпачынку “Рэчанька” калгаса “Слава працы” імя 50-годдзя камсамола Беларусі. У ёй прынялі ўдзел былыя партызаны і падпольшчыкі Дзятлаўскага, Слонімскага, Зэльвенскага, Мастоўскага, Шчучынскага раёнаў. Сустрэча была прысвечана 30-годдзю Перамогі ў Вялікай Айчыннай вайне 1941-1945 гадоў і чарговай гадавіне вызвалення Беларусі ад нямецка-фашысцкіх захопнікаў. На ёй прысутнічалі шматлікія дэлегацыі ветэранаў вайны, а таксама працоўных і моладзі названых раёнаў.
Удзельнікамі сустрэчы былі і многія былыя кіраўнікі партызанскага руху Шчучынскага злучэння, у якое ўваходзілі партызанскія атрады названых раёнаў. На фотаздымку (злева направа ў першай шарэнзе) – камандзір партызанскага злучэння Сцяпан Пятровіч Шупеня, першы сакратар Дзятлаўскага райкама КПБ Іван Вікенцьевіч Крыжаноўскі, другі сакратар РК КПБ Іосіф Андрэевіч Нячай, былы камандзір партызанскай брыгады імя Леніна Георгій Аляксеевіч Шубін. У другой шарэнзе злева направа – старшыня РК народнага кантролю Георгій Раманавіч Хіневіч, намеснік старшыні райвыканкама Міхаіл Паўлавіч Калпінскі, рэдактар раённай газеты “Перамога” Рыгор Пятровіч Кавальчук, крайні справа – старшыня калгаса “Слава працы” імя 50-годдзя камсамола Беларусі Павел Фёдаравіч Сарадоеў.
А. ЛЯХ
Фота аўтара
Дзясяты адкрыты фестываль сямейнага адпачынку “Зецельскі фэст” запрасіў сёння на спартыўную пляцоўку тых, хто сябруе…
На “Зецельскім фэсце” працавалі адразу некалькі інтэрактыўных пляцовак на любы густ. Сапраўднай сенсацыяй фестывалю стаў…
30 мая ў рамках дзясятага фестывалю сямейнага адпачынку “Зецельскі фэст” горад Дзятлава ператварыўся ў сапраўдную…
Урачыста, прыгожа, з цудоўным настроем пачалося свята сямейнага адпачынку "Зецельскі фэст" ў Дзятлаве. Пад гукі…
На Зецельскім фэсце гуляе народ,На плошчы вясёлы вядзе карагод,Танцуе, спявае і славіць сям’ю,А хтосьці газеце…
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…