Анонс мерапрыемстваў па Гродзенскай вобласці

Канцэрт сімфанічнага аркестра

31 кастрычніка ў 19 гадзін на сцэне Гродзенскага абласнога драматычнага тэатра ў рамках праекта «Саюзная дзяржава — маладым талентам 21 стагоддзя» адбудзецца канцэрт Моладзевага беларуска-расійскага сімфанічнага аркестра.

Арганы Еўропы ў Гродне

3 лістапада ў Гродзенскім дзяржаўным музычным каледжы ў 19 гадзін пройдзе трэцяе Міжнароднае свята арганнай музыкі «Арганы Еўропы гучаць у Гродне». У праграме — выступленне майстра арганнага майстэрства з Японіі Х. Інаўэ.

Дзень памяці Рэвалюцыі

4 лістапада ў 16 гадзін у Гродзенскім абласным драматычным тэатры пройдзе урачыстае мерапрыемства з нагоды Дня Кастрычніцкай рэвалюцыі.

Гонар і годнасць

4 лістапада ў Музеі гісторыі рэлігіі горада Гродна пройдзе ўрачыстае адкрыццё выставы Тракайскага гістарычнага музея «Гонар і годнасць».

Песня пра долю

5 лістапада ў 19 гадзін на сцэне Гродзенскага абласнога драматычнага тэатра да 75-годззя Уладзіміра Мулявіна адбудзецца рок-опера «Песня пра долю». Галоўныя вакальныя партыі выканаюць Пётр Ялфімаў і Ян Жанчак.

Згукі бацткаўшчыны

Раённае свята пад такой назвай пройдзе 5 лістапада ў Лідзе.

У 15 гадзін у аддзеле рамёстваў і традыцыйнай культуры Лідскага раённага цэнтра культуры і народнай творчасці пройдзе трэці этап свята «Вялікая вясельніца».

У праграме — абрад «Вяселле», выступленне фальклорных калектываў «Ігнаткаўскія весялухі», «Суседзі», частаванне беларускімі нацыянальнымі стравамі ад жаніха і нявесты, выстава-продаж вырабаў народных рамёстваў, этна-блок «Скачуць сёння да зары польку нават камары».

Абласныя «Дажынкі-2016».

Пройдуць 18 лістапада ў гарадскім пасёлку Воранава. Пачатак у 9 гадзін. Будуць працаваць выстава-кірмаш харчова-прамысловых тавараў Гродзенскай вобласці, выстава-ярмарка сельскагаспадарчай прадукцыі, дэкаратыўна-прыкладной творчасці, выстава тэматычных сельскагаспадарчых падворкаў раёнаў Гродзенскай вобласці, прэзентацыя прамысловага патэнцыяла Воранаўскага раёна.

Аўтэнтычныя і фальклорныя калектывы прадэманструюць шэраг абрадавых праграмаў, госці мерапрыемства змогуць паўдзельнічаць у беларускіх гульнях і кірмашовых атракцыёнах, наведаць майстар-класы.
Сімвалам абласных дажынак у Воранаве стане вялікі сноп вышынёй да 4 метраў, зроблены з каласкоў, сабраных з усіх палёў Гродзенскай вобласці.

У час свята адбудзецца ўрачыстае адкрыццё пасля рэканструкцыі парка, дзе будзе прадстаўлена алея скульптураў з дрэва сельскагаспадарчай тэматыкі.

На розных пляцоўках будуць праходзіць конкурсы на лепшы каравай, на лепшы тэматычны падворак, спартакіяда «Залаты колас».

Жадаючыя таксама змогуць палятаць на верталёце, сфатаграфавацца з роставымі лялькамі, пабачыць на галоўнай сцэне зорак беларускай эстрады.

На свята прыедуць госці з розных куткоў нашай краіны , а таксама з гарадоў пабрацімаў з Польшчы, Літвы, Расіі.
Завершыць свята феерверк.

Падрыхтавала да друку А. ДУБРОЎСКАЯ