У Міністэрстве ўнутраных спраў працуюць над праектам указа Прэзідэнта «Аб пытаннях рознічнага гандлю алкагольнымі, слабаалкагольнымі напоямі і півам». У ведамстве прапануюць не прадаваць алкаголь з 23 да 9 гадзін, а ў магазінах з плошчай гандлёвай залы 1000 метраў квадратных і больш адвесці для алкаголю асобную залу. Акрамя таго, сярод прапановаў — павялічыць узрост, калі маладым людзям дазволена набываць алкаголь, з 18 да 21 года, забараніць гандаль спіртным на запраўках.
Адпаведна статыстыцы, у нашай краіне кожнае чацвёртае злачынства ўчыняецца ў стане алкагольнага ап’янення. Доля забойстваў, наўмысных цяжкіх цялесных пашкоджанняў, рабаванняў, разбояў, хуліганстваў у п’яным стане дасягае 70-80%. Паводле даных Сусветнай арганізацыі аховы здароўя, у 2016 годзе беларусы выпілі 16,4 літра алкаголю на чалавека, і гэта другое месца ў свеце пасля Літвы.
Карэспандэнтка газеты «Перамога» даведалася меркаванне наконт новага указа ў доктара-псіхатэрапеўта Дзятлаўскай цэнтральнай раённай бальніцы
Барыса Отчыка:
— Згодны з усімі прапанаванымі забаронамі. На маю думку, найлепш увогуле выдаліць алкаголь з прадуктовых магазінаў і арганізаваць яго продаж у спецыялізаваных крамах, як гэта зроблена ў некаторых краінах свету. Патлумачу, чаму. Людзі, якія пакутуюць ад алкагольнай залежнасці, найчасцей — слабахарактарныя. Прыходзячы ў магазін па прадукты і гледзячы на спіртное на паліцах, яны адчуваюць неадольную цягу яго набыць і выпіць. Гэту псіхалагічную асаблівасць заўважалі на сабе многія, калі ў час шопінгу траціліся на рэчы, купляць якія не планавалі, але, убачыўшы, набылі.
Што тычыцца ўзросту, то паўналецце ў 21 год не новае для славян. Адзначу важную асаблівасць: чым пазней алкаголь і тытунь акажуць свой згубны ўплыў на арганізм чалавека, тым даўжэй ён застанецца здаровым. А што тычыцца жанчын, то ім наогул алкаголь і іншыя шкодныя рэчывы трэба забараніць ужываць для захавання дзетароднай функцыі. Бо яйцаклеткі ў арганізме закладзены на ўсё жыццё, і што за гэта жыццё выпіта і выкурана, назапашвальна ўплывае на здароўе будучага дзіцяці.
Ірына КАЎКЕЛЬ
На Зецельскім фэсце гуляе народ,На плошчы вясёлы вядзе карагод,Танцуе, спявае і славіць сям’ю,А хтосьці газеце…
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…