У маі-чэрвені выпускнікоў чакае адказны этап – здача цэнтралізаваных экзаменаў і тэсціравання.
Што пра гэта трэба ведаць навучэнцам і іх бацькам, расказала начальнік аддзела адукацыі райвыканкама Марына Лашкоўская:
–Рэгістрацыя ўдзельнікаў цэнтралізаваных экзаменаў скончылася 5 красавіка. Адзінаццацікласнікі нашага раёна вызначыліся з выбарам прадметаў для здачы ЦЭ. Здаваць іх сёлета будуць 153 чалавекі. Сярод прадметаў на выбар самым запатрабаваным з’яўляецца матэматыка, якую выбралі 55 чалавек, далей ідзе біялогія – 36 чалавек, грамадазнаўства – 34 чалавекі, гісторыю Беларусі выбралі 16, па 4 чалавекі – геаграфію і англійскую мову, 3 – хімію, толькі адзін навучэнец – фізіку.
Пераважная большасць (110 чалавек) аддалі перавагу пры здачы ЦЭ рускай мове, беларускую будуць здаваць 43 чалавекі. Неабходна памятаць, што пры паступленні ў ВНУ ўлічваюцца вынікі двух ЦЭ і аднаго ЦТ. Рэгістрацыя абітурыентаў для ўдзелу ў цэнтралізаваным тэсціраванні праводзіцца з 9 па 22 красавіка 2025 года ў адной з установаў адукацыі з ліку вызначаных Міністэрствам адукацыі Рэспублікі Беларусь у якасці пунктаў правядзення цэнтралізаванага тэсціравання і пунктаў рэгістрацыі для яго праходжання.
На ЦЭ навучэнцаў рэгістравалі ўстановы адукацыі, на ЦТ ж неабходна запісвацца самому. Пунктам правядзення ЦЭ ў нашым раёне вызначана сярэдняя школа № 3 горада Дзятлава імя І. Ю. Філідовіча. Для ЦТ вызначаны 40 пунктаў рэспублікі.
Міністэрствам адукацыі Рэспублікі Беларусь устаноўлены тэрміны правядзення цэнтралізаванага экзамену і цэнтралізаванага тэсціравання ў 2025 годзе: 26 мая адбудзецца ЦЭ па прадмеце на выбар (для выпускнікоў 11-х класаў 2025 года): грамадазнаўства, матэматыка, біялогія, замежная мова, хімія, фізіка, гісторыя Беларусі, геаграфія, сусветная гісторыя (найноўшы час), гісторыя Беларусі ў кантэксце сусветнай гісторыі. 26 мая ЦТ па прадмеце на выбар (для выпускнікоў мінулых гадоў і выпускнікоў каледжаў): грамадазнаўства, матэматыка, біялогія, замежная мова, хімія, фізіка, гісторыя Беларусі, геаграфія, сусветная гісторыя (найноўшы час), гісторыя Беларусі ў кантэксце сусветнай гісторыі. 29 мая ЦЭ (для выпускнікоў 11-х класаў 2025 года) па беларускай або рускай мове. 29 мая ЦТ (для выпускнікоў мінулых гадоў і выпускнікоў каледжаў) па беларускай або рускай мове. 2 чэрвеня ЦТ па прадмеце на выбар (для ўсіх абітурыентаў): матэматыка, біялогія, замежная мова, геаграфія, сусветная гісторыя (найноўшы час), гісторыя Беларусі ў кантэксце сусветнай гісторыі. 5 чэрвеня ЦТ па прадмеце на выбар (для ўсіх абітурыентаў): грамадазнаўства, хімія, фізіка, гісторыя Беларусі.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#образование #Дятловщина
Новые нормы закреплены в Кодексе об административных правонарушениях. В первую очередь речь идёт о борщевике…
Состояние всех пострадавших в Брянской области пациентов после первой проведенной в учреждениях здравоохранения Минска ночи…
В Беларуси скошено трав первым укосом на площади 1200 тыс. га, что составляет 85% от…
Комитетом государственного контроля Гродненской области при проверке одного из районных управлений капитального строительства, выполняющего функции…
Президент Беларуси Александр Лукашенко в ходе рабочей поездки в Узденский район Минской области ознакомится с…
В Беларуси к уборке урожая готовится парк из почти 7 тыс. комбайнов. Об этом сообщили…