Восеньскі месяц кастрычнік нездарма ў народзе называюць «лістападнічак».
Дрэвы рыхтуюцца да зімы, скідаючы свой летні ўбор, а мы, навучэнцы і педагогі Хвінявіцкага дзіцячага сада-сярэдня школы павінны паклапаціцца пра тое, каб прыбраць апалае лісце.
У гэтым годзе восеньскі лістапад нікога не пакінуў без спраў — велізарную колькасць галінак і лісця неабходна было прыбраць у парку. Навучэнцы і педагагічныя работнікі, узброіўшыся граблямі, у поўным складзе выйшлі на акцыю “Зрабі свой аграгарадок чыстым і ўтульным”.
Дзянёк выдаўся пагодлівы, і праца праходзіла ў добрым настроі і з працоўным запалам. У парку цяпер — парадак!
Жанна Будзевіч
