Праект стратэгіі «Навука і тэхналогіі: 2018-2040» вынесены на грамадскае абмеркаванне. З поўным тэкстам дакумента можна азнаёміцца на сайце Нацыянальнай акадэміі навук Беларусі.
Стратэгія «Навука і тэхналогіі: 2018-2040» — адзін з ключавых дакументаў, які будзе вынесены на II з’езд вучоных Беларусі. У дакуменце вызначаны прыярытэты доўгатэрміновага развіцця навукі і тэхналогій, а таксама комплекс інструментаў удасканалення навукова-тэхнічнай сферы, якія забяспечаць новую якасць эканамічнага росту Беларусі і выхад у перспектыве на сусветны ўзровень канкурэнтаздольнасці па шэрагу напрамкаў. Стратэгія распрацавана вучонымі Нацыянальнай Акадэміяй навук Беларусі з улікам заўваг і прапановаў, якія паступілі ад органаў дзяржкіравання, рабочых груп і асобных вучоных. Адзначаецца, што ініцыятывы інтэлектуалізацыі і лічбавай індустрыялізацыі павінны стаць часткай нацыянальнай ідэі па развіцці Беларусі. Нарошчванне інтэлектуальнага складніка эканамічнага росту павінна забяспечвацца па трох напрамках — ператварэнне Беларусі ў IT-краіну, узмацненне ўзаемадзеяння ў навуцы і інавацыях, нарошчванне навукова-тэхнічнай кампетэнтнасці і ўзмацненне мабільнасці кадраў. Прыярытэтамі будуць стварэнне серыйнай вытворчасці электратранспарту, у тым ліку беспілотнага, развіццё робататэхнікі, тэхналогій на аснове «Інтэрнэту рэчаў». Таксама перспектыўнымі напрамкамі лічацца стварэнне штучных нервовых сістэм робатаў (штучнага інтэлекту), малых і звышмалых касмічных апаратаў, сродкаў новага пакалення для лячэння ВІЧ-інфекцыі і гепатыту С, проціпухлінных лекаў. Згодна са стратэгіяй, да 2040 года ў Беларусі павінна быць забяспечана паўсюднае прымяненне камп’ютарных тэхналогій і інтэлектуальных сістэм у вытворчасці, дзяржкіраванні, абароне, сістэм квантавай крыптаграфіі, воблачных тэхналогій.
Прадугледжваецца, што дзякуючы рэалізацыі стратэгіі да 2040 года навукаёмістасць ВУП павінна скласці 3 працэнты, доля прарыўных навуковых даследаванняў і распрацовак — 30 працэнтаў у агульным аб’ёме, доля высокатэхналагічных сектараў у структуры эканомікі — 10 працэнтаў. У агульным аб’ёме вытворчасці прамысловых прадпрыемстваў 25 працэнтаў будзе займаць інавацыйная прадукцыя.
Па матэрыялах рэспубліканскага друку
На Зецельскім фэсце гуляе народ,На плошчы вясёлы вядзе карагод,Танцуе, спявае і славіць сям’ю,А хтосьці газеце…
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…