На абласных “Дажынках-2021” праходзіць ушанаванне лепшых аграрыяў Гродзеншчыны, сярод іх і дзятлаўскія перадавікі, якія на працягу ўсёй пасяўной і ўборачнай кампаній дэманстравалі свае сельскагаспадарчыя “таленты”.
Трактарысты-машыністы з КСУПаў “Хвінявічы”, “Жукоўшчына” і ААТ “Граніт-Агра” Барыс Парфіновіч, Аляксандр Рогач і Аляксей Лашкоўскі падзяліліся ўражаннямі ад свята ўраджаю.
Барыс Парфіновіч:
– Я ўпершыню на абласных дажынках. Вельмі рады, што мяне ўзнагародзілі. Нягледзячы на дрэннае надвор’е, бачу радасныя твары, з-за чаго становіцца весялей. Не сумую, бо настрой падымае дынамічная музыка. Размаўляю з механізатарамі з іншых гаспадарак: дзелімся адзін з адным вопытам, разам адпачываем. Усім удзельнікам свята жадаю моцнага здароўя і добрага настрою.
Аляксей Лашкоўскі:
– Ехаў на абласныя дажынкі не столькі за узнагародай, колькі за новымі ўражаннямі. Сённяшняе свята прымае горад Скідзель. Нас вельмі гасцінна сустрэлі. Адчуваю сябе, як дома. Шмат цікавага ўбачыў на выставах, паглядзеў тэхніку МНС, лясной і сельскай гаспадарак. На падворках пакаштаваў розную прадукцыю. Хачу купіць што-небудзь смачнае для сваіх хатніх, пацешыць родных і сяброў памятнымі сувенірамі. Мне ўсё вельмі падабаецца. Буду працягваць плённа працаваць. Спадзяюся, што яшчэ не раз прыеду на абласныя “Дажынкі”.
Аляксандр Рогач:
– Сёння на свяце “Дажынак” я прадстаўляю не толькі сваю гаспадарку КСУП “Жукоўшчына”, але і ўсю Дзятлаўшчыну, што вельмі ганарова і прыемна. Сам я працую механізатарам трыццаць пяць гадоў, чатырнаццаць сезонаў – на жніве на “Джон Дзіры”. Тройчы быў у Гродне на Дні селькай гаспадаркі, але на мерапрыемстве такога маштабу ўпершыню. Ёсць што паглядзець, пакаштаваць, чаму падзівіцца, з кожнага падворка гучыць народная музыка, пад якую так і хочацца кінуцца ў танцы. Упэўнены, што прывязу дадому са свята не толькі ўзнагароду і новыя ўражанні, але і сувеніры, пачастункі для сваіх блізкіх.
Наталля АВЯРЧУК,
Вольга ЮШКЕВІЧ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
На Зецельскім фэсце гуляе народ,На плошчы вясёлы вядзе карагод,Танцуе, спявае і славіць сям’ю,А хтосьці газеце…
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…