Статыстыка
Колькасць насельніцтва Дзятлаўскага раёна на 1 студзеня 2017 года склала 24804 чалавекі і ў параўнанні з пачаткам 2016 года паменшылася на 532 чалавекі.
У 2016 годзе ў раёне нарадзіліся 267 дзяцей, што на 38 дзяцей менш, чым у 2015 годзе. Колькасць памерлых у параўнанні з 2015 годам зменшылася на 8 чалавек і склала 570 чалавек.
У параўнанні з 2015 годам натуральнае змяншэнне насельніцтва павялічылася на 30 чалавек (на 11%) і склала 303 чалавекі. У 2016 годзе склаўся натуральны прырост насельніцтва ў горадзе Дзятлаве (7 чалавек).
У 2016 годзе ў раёне зарэгістраваны 131 шлюб, афіцыйна скасавалі шлюб 78 сем’яў. У параўнанні з 2015 годам колькасць шлюбаў зменшылася
на 70 (у 1,5 разы), колькасць разводаў — на 3 разводы (на 3,7%).
На 100 шлюбаў прыходзілася 60 разводаў, у 2015 годзе — 40 разводаў.
Міграцыйнае змяншэнне насельніцтва раёна ў 2016 годзе склала 229 чалавек, што на 37 чалавек (на 13,9%) менш, чым у 2015 годзе.
Галоўнае статыстычнае ўпраўленне Гродзенскай вобласці
