У рамках дабрачыннай акцыі «Прафсаюзы — дзецям» 6 студзеня 2017 года ў сацыяльны прытулак сацыяльна-педагагічнага цэнтра горада Дзятлава завіталі госці.
Павіншаваць з Нараджэннем Хрыстовым пяць дзяцей, якія сустракаюць свята ў прытулку, прыйшлі старшыня Гродзенскай абласной арганізацыі Беларускага прафсаюза работнікаў дзяржаўных і іншых установаў Алена Пятроўна Бераснева і старшыня Дзятлаўскай раённай арганізацыі прафсаюза работнікаў дзяржустановаў Ірына Дзмітрыеўна Жэгала. Яны прынеслі хлопчыкам і дзяўчынкам калядныя падарункі.
Гасцям спадабалася, як дзеці і педагогі ўпрыгожылі ўстанову да зімовых святаў. Прафсаюзным лідарам расказалі, што выхаванцы навучыліся рабіць шмат прыгожых рэчаў і асвоілі тэхніку арыгамі. Алена Пятроўна Бераснева пахваліла юных майстроў, пажадала ім моцнага здароўя, поспехаў у вучобе і расці годнымі людзьмі.
Варта зазначыць, што абласны камітэт Беларускага прафсаюза работнікаў дзяржаўных і іншых установаў узяў шэфства над сацыяльна-педагагічным цэнтрам горада Дзятлава некалькі гадоў таму і ўжо аказваў дапамогу ўстанове. Аднак раней гэта рабілася завочна. Цяпер адбыўся першы візіт шэфаў на Дзятлаўшчыну. Дырэктар цэнтра Ала Аркадзьеўна Жэгалік і калектыў установы падзякавалі гасцям за падарункі і віншаванні, выказалі спадзяванне на далейшае плённае супрацоўніцтва.
І. КАЎКЕЛЬ
Фота П. АДАМЧУКА
У Год беларускай жанчыны на старонках газеты “Перамога” расказваем пра нашых зямлячак, якія змагаліся на…
У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…
За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…
Гэта высвятлялі выхаванцы летніка “Крута” гімназіі № 1 горада Дзятлава, наведаўшыся ў рэдакцыю раённай газеты…
Чым жыве летнік Выхаванцы летніка “Усмешка” сярэдняй школы № 1 горада Дзятлава імя А. М.…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga