Восеньская хандра, напэўна, вядома кожнаму.
Каб дэпрэсіўныя думкі не трымалі нас у сваіх моцных абдымках, неабходны пэўныя хімічныя рэчывы і элементы. З восеньскай хандрой можна змагацца, але трэба ведаць, чым узмацніць свой рацыён. Ёсць шэраг прадуктаў, якія здольныя падняць настрой і палепшыць работу мозга.
Галоўным хімічным рэгулятарам настрою ў нашым арганізме з’яўляецца сератанін. Дзякуючы гэтаму гармону мы радуемся і добра спім, выдатна сябе адчуваем і даўжэй жывёмНеабходную колькасць сератаніну можна атрымаць з такіх прадуктаў, як сыр цвёрдых гатункаў, чырвоная рыба, індычка, чырвоная ікра. Таксама варта дадаць у рацыён салодкі перац, кедравыя арэхі, фасолю і абляпіху.
Дэфіцыт тыразіну – амінакіслата, якая уплывае на кагнітыўныя функцыі мозга,вядзе да сіндрому хранічнай стомленасці. Таму варта дадаць у рацыён курыную грудку, бананы, авакада, міндаль, а таксама грэчку, скумбрыю і печань.
Селен нармалізуе абмен бялкоў, паляпшае памяць і настрой, яго можна знайсці ў бразільскім арэхах і часнаку. Таксама дапамагае сінтэзу сератаніну і фоліевая кіслата – найбольшая колькасць гэтага вітаміну ў печані, апельсінах, брокалі і любой лісцевай зеляніне. Яшчэ адзін неабходны мікраэлемент – цынк. Дадайце ў рацыён морапрадукты, імбір, водарасці, а таксама буры рыс і ўсе цытрусавыя.
Трэба памятаць і пра глюкозу, крыніца якой у вугляводах, што ўтрымліваюць крухмалістыя прадукты. Таму ў восеньскі сняданак рэкамендуецца дадаць кашу з цэльназерневых круп, а ў якасці асновы лепш выбіраць хлеб з мукі грубага памолу.
Між тым, ежу хуткага прыгатавання, пюрэ, фаст-фуд і паўфабрыкаты варта ўжываць толькі тады, калі іншага выйсця няма. Яны ні ў якім разе не павінны замяняць штодзённыя паўнацэнныя сняданкі ці абеды. Харчаванне павінна быць разнастайным, паўнацэнным, збалансаваным.
Таццяна СВІБ,
доктар-тэрапеўт Дзятлаўскай ЦРБ
