24 мая ў рамках акцыі “Ноч музеяў” Дзятлаўскі гісторыка-краязнаўчы музей праводзіць акцыю “Музей збірае сяброў”.
Мерапрыемства, якое пачнецца ў 18 гадзін, складуць тэатралізаванае прадстаўленне “Фарбы Перамогі”; літаратурна-музычная кампазіцыя “Слухай, краіна, помні, Айчына”, выстава “Зброя Перамогі”,”Успаміны аб былым” (М. Л. Несцярэўскі),выстава стэндавага мадэлізму, канцэрт духавога аркестра, кінастужка “Паланэз Агінскага”, танцавальная праграма.
Таксама на працягу свята будуць працаваць музейная рэтра-фотастудыя, Горад майстроў, цір, гандлёвая кропка. Можна будзе паўдзельнічаць у латарэі.
Завершыцца мерапрыемства “Музей збірае сяброў” у 23 гадзіны. Больш падрабязную інфармацыю аб акцыі можна даведацца па тэлефоне 2-13-41.
А. ДУБРОЎСКАЯ
