25-26 лістапада 2017 года ў горадзе Слоніме праходзіла восеньскае першынство вобласці па лёгкай атлетыцы сярод навучэнцаў 2004-2005 гадоў нараджэння. У спаборніцтвах прыняла ўдзел і каманда Дзятлаўскай дзіцяча-юнацкай спартыўнай школы ў складзе Алёны Шапурка, Марыі Галомзік, Ягора Грыцука, Аляксандр Дзірвука. Выступілі нашы юнакі і дзяўчаты паспяхова – заваявалі трэцяе агульнакаманднае месца ў трэцяй групе раёнаў.
З перамогай з абласных спаборніцтваў прыехала вучаніца 8 класа сярэдняй школы №3 горада Дзятлава Марыя Галомзік (трэнер Аляксандр Кучынскі). У штурханні ядра Марыя паказала лепшы вынік сярод 22 удзельніц – 8 метраў 31 сантыметр. Для дзяўчынкі – гэта не першая сёлетняя перамога. Месяц таму яна таксама стала лідарам у гэтай жа дысцыпліне на першынстве вобласці, якое праходзіла ў Гродне.
Інфармацыя і фота прадастаўлены Дзятлаўскай ДЮСШ
