На калегіі Камітэта дзяржаўнага кантролю было разгледжана пытанне ходу падрыхтоўкі арганізацый вобласці да асенне-зімовага перыяду.
Адзначана, што не ўсе арганізацыі вобласці належным чынам арганізавалі работу па падрыхтоўцы цеплакрыніц, з адставаннем ад графікаў ішло атрыманне пашпартоў гатоўнасці аб’ектаў да работы ў ацяпляльны перыяд.
У выніку невыканання арганізацыйна-тэхнічных мерапрыемстваў па падрыхтоўцы цеплакрыніц з першага абследавання не былі выдадзены заключэнні дзяржпрамнагляду па 35 кацельнях.
На калегіі адзначана, што нягледзячы на выкананне арганізацыямі ЖКГ у цэлым па вобласці задання па замене і будаўніцтве цеплавых сетак, выкананне работ праводзілася не рытмічна. Акрамя таго, на асобных будаўнічых пляцоўках парушаліся патрабаванні тэхнічных нарматыўных прававых актаў і правілы тэхнікі бяспекі.
Арганізацыямі ЖКГ не забяспечваецца даведзенае заданне па стварэнні запасаў драўнянага паліва. Асобныя арганізацыі ЖКГ несвоечасова разлічваюцца з лясгасамі за пастаўленую драўніну.
На пасяджэнні калегіі ўказана на зрывы тэрмінаў асобных мерапрыемстваў, запланаваных праграмай па энергазберажэнні Гродзенскай вобласці на 2017 год. Адзначаны факты нерацыянальнага выкарыстання паліўна-энергетычных рэсурсаў, ; невыканання арганізацыямі ЖКГ даручэння па дааснашчэнні прыборамі ўліку і сістэмамі рэгулявання цеплавой энергіі жылых дамоў; нездавальняючага супрацьпажарнага стану асобных аб’ектаў цепла- і электразабеспячэння.
Па выніках пасяджэння калегіі дадзены канкрэтныя даручэнні старшыням рай(гар)выканкамаў, кіраўнікам арганізацый ЖКГ па прыняцці дзейсных мераў і забеспячэнні гатоўнасці аб’ектаў да работы ў асенне-зімовы перыяд 2017-2018 гадоў.
А. САДАЎНІЧЫ,
першы намеснік старшыні Камітэта дзяржаўнага кантролю Гродзенскай вобласці
