Прыемная навіна праз СМС-паведамленне напаткала жыхара Наваельні Аляксандра Мікалаевіча Іванова ў дарозе: у 38-м туры гульні “Удача в придачу!”, якую праводзіць “Евроопт”, выйграў 1000 рублёў.
— А ехаў я са спаборніцтваў па рыбнай лоўлі, якія праводзіла наша ДРБУ-119. Там працую вартаўніком, — расказаў Аляксандр Мікалаевіч. – Што гэта не жарт, паверыў адразу. Незадоўга да спаборніцтваў прыязджаў у дзятлаўскі “Евроопт” па бляшанку кукурузы. Яна якраз была сярод прызавога тавару, прынесла мне ўдачу.
Аляксандр Мікалаевіч патэлефанаваў, не ўцярпеў, адразу жонцы Святлане: маўляў, сустракай з уловам – злавіў удачу з “Еврооптом” і вязу два вялікія карпы.
Прыз у 1000 рублёў для сям’і Івановых аказаўся дарэчы:
— Частку выйгрыша патрацім на рамонт нашай машыны. “Пассат” – верны памочнік – даўно яго патрабуе. На машыне ж і на рыбалку, і па грыбы. Ды і да выйгрыша аўто мае дачыненне: на ім ездзіў па пакупкі ў Дзятлава. Заслужыў рамонту!
Як прызнаўся Аляксандр Мікалаевіч, ён – чалавек азартны, так што пэўная частка выйграных грошай пойдзе і на новыя пакупкі ў магазіне “Евроопт”. Збіраецца ўдзельнічаць у гульні “Удача в придачу!” і надалей. А гуляе ён з першага тура, калі зарэгістраваў Аляксандра Мікалаевіча сын.
Магазінамі “Евроопт” карыстаецца даўно: тады яшчэ не было крамы ў нашым раёне, і даводзілася ездзіць у Навагрудак. Цяпер у дзятлаўскім “Евроопте” бывае кожны тыдзень, а то і па два разы на тыдзень.
— Пасля выйгрышу ў 1000 рублёў пераканаўся, што я чалавек не толькі азартны – грыбнік і рыбалоў, але і ўдачлівы, — кажа Аляксандр Мікалаевіч.
Удачай для яго стала і паездка па прыз у Мінск. Давялося ўпершыню наведаць Палац Рэспублікі, пабыць на канцэрце Аляксандра Саладухі, на фуршэце, які зладзіў “Евроопт”. Шкадуе, праўда, што жонка з-за работы не змагла паехаць разам з ім.
Уражанні ад свята, якое яму падарыла “Удача в придачу!”, — самыя прыемныя. Такога ж свята і шанцавання ён жадае іншым, хто гуляе ва “Удача в придачу!”, ну, і вядома ж, спадзяецца і на свой новы шанц.
І. Іванава
Фота П. Адамчука
