У Мінску адбыўся маштабны форум “Моладзь. Беларусь. Будучыня”, які сабраў лепшых прадстаўнікоў новага пакалення, сярод якіх – наш зямляк, вядомы на ўсю краіну аграблогер Дзяніс Трафімчык, за выступленнем якога сачыла ўся Дзятлаўшчына. Сваім меркаваннем аб ім падзяліўся трактарыст-машыніст КСУП “Войневічы”, тата пяцярых дзяцей Дзмітрый Сухецкі:
– Я даўно падпісаны на аграблог, з цікавасцю сачу за новымі выпускамі, многае адгукаецца, бо Дзяніс Трафімчык расказвае, якая сапраўдная работа ў сельскай гаспадарцы, гаворыць пра тое, што нам блізка. Прыемна было пабачыць земляка на вялікай сцэне моладзевага форума. Згодны з тым, што наша моц у адзінстве, працавітасці і ўзаемнай падтрымцы. Гэта лепш за ўсё відаць у сельскай гаспадарцы, дзе працую больш за 15 гадоў. Тут мая сям’я, мая зямля, любімая праца, дзе ўсе адзін за аднаго і за агульны вынік. У вёсцы можна жыць дастойна, гадаваць дзяцей і ўпэўнена глядзець у заўтрашні дзень. Нельга забываць, што ўсё пачынаецца з хлеба на стале, а вырошчваецца ён тут, у вёсцы.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае #РАЗАМ #17Верасня #МЫедины #адзiннарод
