Для Дзмітрыя Вітальевіча Рэцько, галоўнага дзяржаўнага падатковага інспектара, гэты год багаты на адметныя даты. 3 ліпеня, якраз у Дзень Незалежнасці Рэспублікі Беларусь, адзначыў Дзмітрый Вітальевіч юбілей – 50-годдзе. За адметнай падзеяй у жыцці яго павіншавалі калегі па працы, выказалі падзяку за шматгадовую старанную працу. І сёлета якраз спаўняецца 25 гадоў, як Дзмітрый Вітальевіч Рэцько стаў працаваць у падатковай інспекцыі пасля заканчэння інстытута народнай гаспадаркі імя Куйбышава. Такім чынам, за апошнюю чвэрць стагоддзя ў яго працоўнай кніжцы – адзіны запіс месца працы: інспекцыя па падатках і зборах Рэспублікі Беларусь па Дзятлаўскім раёне.
