Напярэдадні навагодніх святаў у Гродзенскай вобласці традыцыйна праходзіць акцыя “Мандарынкі дабра”. Яе мэта – не толькі парадаваць блізкіх водарам мандарынаў, але і прынесці рэальную дапамогу тым, хто асабліва мае патрэбу ў клопаце і падтрымцы.
Актыўны ўдзел у гэтай ініцыятыве прынялі сем’і навучэнцаў 4 “Б” класа сярэдняй школы № 1 горада Дзятлава імя А. М. Чурылы Марыны Шыкутс і Уладзіслава Грабоўскага. Разам з бацькамі дзеці сабралі сродкі асабістай гігіены, якія хутка будуць дастаўлены ва ўстанову аховы здароўя, дзіцячы прытулак, а таксама апынуцца ў руках жыхароў раёна.
Менавіта такія неабыякавыя сем’і напаўняюць святы сапраўдным сэнсам – клопатам, цяплом і чалавечым удзелам. Няхай гэты ўчынак натхніць і іншых на добрыя справы!
Наталля СІВОВА,
класны кіраўнік 4 “Б” класа
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
