У Дзятлаўскай раённай бібліятэцы новае паступленне кніг.
Марыя Мятліцкая “Верны муж”. Гераіня гэтага рамана ўсё жыццё чакала шчырых слоў кахання ад свайго мужа і выявіла іх… у пісьмах іншай жанчыне. Толькі яго сэрца, на жаль, належала іншай. Хто вінаваты ў гэтай трагедыі?
Насця Арлова “Паглядзі ў мае вочы”. Гэта псіхалагічны раман, які паказвае, да чаго могуць прывесці няправільныя рашэнні. Ці магчыма іх выправіць? Ці давядзецца жыць з цяжкімі наступствамі? Галоўнай гераіні трэба будзе даведацца адказы на гэтыя пытанні, прайшоўшы доўгі шлях – да каханага чалавека і да сябе.
Яўгенія Аляксандрава “Залатая нявеста”. Агата дзі Эмеры – адзіная дачка аднаго з самых багатых прадпрымальнікаў. Яна атрымала выдатную адукацыю і марыць заняць месца бацькі. Аднойчы гэта адбылося. Але нездарма кажуць: бойцеся сваіх жаданняў, яны маюць уласцівасць ажыццяўляцца.
Юлія Лаўрашына “Жывая вада”. Гэта глыбокае даследаванне тэмы кахання і яе ролі ў жыцці чалавека. Аповед вядзецца пра тое, як каханне можа як разбураць, так і ўратаваць, падарыўшы надзею і магчымасць падняцца над цяжкасцямі.
Анастасія Дэба “Выкрадаючы зоркі”. Да чаго прыводзяць нас старыя памылкі? І ці можа выбар, зроблены ў мінулым, вызначыць нашу будучыню?
Тэдзі і Рафіян абсалютна розныя. Здавалася, гэтыя двое ніколі не павінны былі сустрэцца. Але яны нечакана сутыкаюцца…
Запрашаем нашых чытачоў!
Алена ВЯЛІЧКА,
бібліятэкар аддзела абслугоўвання і інфармацыі
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
