Дабрачынную кампанію “Ваша дапамога” на працягу двух месяцаў праводзіць Гродзенская абласная арганізацыя Таварыства Чырвонага Крыжа.
Як расказала старшыня Дзятлаўскай раённай арганізацыі гэтага грамадскага аб’яднання Галіна Касцюк, у цэнтры ўвагі будуць пажылыя людзі і інваліды, падапечныя медыка-сацыяльнай службы Беларускага Чырвонага Крыжа “Дапамога”. У нашай вобласці запланавана шмат акцый і мерапрыемстваў па павышэнні якасці жыцця пажылых людзей і людзей з інваліднасцю. Валанцёры мяркуюць аказаць ім усебаковую дапамогу, пабываць у дамах-інтэрнатах, будзе праходзіць і збор грошай на сродкі гігіены і рэчы для медыка-сацыяльнай службы “Дапамога”, прадуктовыя наборы для малазабяспечаных пажылых людзей.
Добраахвотныя памочнікі таксама збіраюцца правесці ўборку прысядзібных участкаў пажылых грамадзян і інвалідаў, падтрымаць іх у зборы ўраджаю, дастаўцы прадуктаў. Безумоўна, не абыдзецца без віншаванняў падапечных з Днём пажылых людзей.
Далучацца да добрых спраў і валанцёры Дзятлаўшчыны.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
