Дар’я Жыбко – пераможца, Артур Лянцэвіч – сярэбраны прызёр першынства Гродна па кіакушынкай каратэ.
У Гродне прайшло II Адкрытае першынство горада па кіакушынкай каратэ для самых юных спартсменаў “Маладыя барсікі”. Дзятлаўшчыну прадстаўлялі 7 чалавек. Найбольш паспяхова выступіла Дар’я Жыбко: яна выйграла два баі і стала пераможцай турніру.
Больш сапернікаў аказалася ў Артура Лянцэвіча: два баі ён выйграў, а ў трэцім саступіў, у выніку заняў другое месца.
Акрамя названых “барсікаў” (назва турніру ўтворана ад назвы абласнога спартклуба па каратэ “Барс”), у спаборніцтвах ад нашага рэгіёна выступілі Міхаіл Гульнік (атрымаў адну перамогу), Уладзіслаў Аўсянік (адна перамога), Андрэй Кугейка, Яўген Дзям’ян, Арсень Булаўка (адна перамога), паведаміў рэдакцыі Арцём Урбановіч.
Б. ВАРНА
