У Дзятлаўскай раённай бібліятэцы новае паступленне кніг, сярод іх:
Таццяна Троніна “Правілы кароткіх спатканняў”. Лізу і Адама цалкам задавальняюць спатканні без абавязацельстваў. Ліза пазбягае сур’ёзных адносінаў, яна шчаслівая ў сваім закрытым бесклапотным свеце. Адам жа адкрыты для большага, але гэтыя сустрэчы рана ці позна стануць непатрэбнымі – родныя знайшлі яму нявесту-гаспадыню;
Марыя Мятліцкая “Дрэнны добры дзень Аляксея Турава”. Аповесць пра тое, як важна часам спыніцца, азірнуцца, асэнсаваць сваё жыццё. Задаць сабе цяжкае, але такое неабходнае пытанне: а ці правільна я жыву? Ці гэтага я хацеў і ці пра гэта марыў у маладосці, калі здавалася, што ўсё наперадзе?
Ганна Вемер “Не дакранайся”. Пяць гадоў таму ў Анастасіі Нікольскай было ўсё: вялікія перспектывы ў фігурным катанні, прызавыя месцы і лепшы трэнер. Усяго адно несправядлівае трэнерскае рашэнне і няшчасны выпадак, які рушыў за ім, пазбавілі яе не толькі медалёў, але і зроку. Ад ранейшага жыцця засталіся толькі каляровыя сны, у якіх яна танцуе на лёдзе;
Наталля Несцерава “Выбраннік Евы”. У дзявочых марах выбраннік уяўляўся зусім іншым. Высокім, стройным, белазубым філосафам-паэтам з тонкімі доўгімі пальцамі. А масквіч, за якім Ева плялася ў метро, быў моцным брунетам. Але Ева ведала адзін сакрэт: мужчыны выбіраюць, будучы даўно абранымі…
Вера Калачкова “Чырвоная лінія”. Лера шчаслівая ў шлюбе: у яе ёсць выдатная дачка і муж, якога яна любіць усім сэрцам. Яе жыццё збоку здаецца ідэальным, пакуль усё паступова не пачынае разбурацца – Леры здраджваюць самыя блізкія людзі…
Валерый Шарапаў “Стажор нелегальнай разведкі”. Вораг разумны і стрыманы. У яго арсенале – логіка, упартасць і дакладны разлік. Ён упэўнены, што ведае, як перамагчы нас у гэтай сутычцы. Але вораг не ўлічвае аднаго: на яго шляху стаяць суперпрафесіяналы сваёй справы, людзі рызыкі, гонару і нязломнай волі – савецкія контрразведчыкі;
Аляксандр Тамонікаў “Прыём у адказ”. Раман пра напружаную працу спецыялістаў унікальнага падраздзялення КДБ. Ад мазгавога штурму пры падрыхтоўцы сакрэтнай аперацыі да рэальнай сутычкі з падступным праціўнікам у любым пункце зямнога шара – шлях, які па сілах толькі мужным і адданым сваёй справе прафесіяналам;
Мікалай Лявонаў “Чорная пазнака ў пашпарце”. У буйным паўднёвым горадзе арудуе шлюбны аферыст. Ён раз за разам жэніцца на багатых жанчынах, пасля чаго забірае іх маёмасць і тут жа кідае сваіх ахвяр. Здавалася б, ніякага крыміналу, але толькі датуль, пакуль ашуканыя жонкі не сталі гінуць пры дзіўных абставінах.
Запрашаем усіх жадаючых.
Інга ЛАЎРАНЮК,
бібліятэкар аддзела абслугоўвання і інфармацыі
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
