Міжнародны дзень абароны дзяцей на Дзятлаўшчыне распачаўся святочнымі мерапрыемствамі ў навучальных установах і бібліятэках раёна.
Выхаванцы ўсіх узроставых груп дзіцячага сада № 1 горада Дзятлава паўдзельнічалі ў квэст-гульні “Рознакаляровае лета”, у час якой разам з казачнымі героямі адшукалі чароўныя бусіны.
На стадыёне “Колас” быў дадзены старт рэспубліканскай акцыі “Правільнае лета”, у межах якой прайшла спартландыя. Хуткасць, спрыт, камандны дух і добры настрой у час вясёлых стартаў паказалі ўдзельнікі спартыўнага летніка з дзённым знаходжаннем “Алімпіец”.
Для юных аматараў літаратурна-музычнага адпачынку прайшла сустрэча ў раённай бібліятэцы. На інтэрактыўнай пляцоўцы “Летні кніжны сусвет дзяцінства” школьнікі мелі магчымасць пагуляць у настольныя гульні, паадгадваць загадкі, паспяваць разам з вядучымі і проста адпачыць на палянцы з добрай кнігай.
***
Гезгалаўскі дзіцячы сад
Казлоўшчынскі дзіцячы сад
Новаяльнянская сярэдняя школа
Круцілавіцкая сярэдняя школа
Гімназія № 1 горада Дзятлава
Хвінявіцкая сярэдняя школа
Казлоўшчынская сярэдняя школа
Вензавецкая сярэдняя школа
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
