Знаёмства са знакамітымі людзьмі сваёй мясцовасці – адзін з эфектыўных спосабаў далучэння дзяцей да гісторыі малой радзімы, выхавання любові і павагі да працы дарослых.
Так, выхаванцы дашкольнай групы Круцілавіцкай сярэдняй школы сустрэліся з механізатарам Дзмітрыем Афанасікам.
Дзмітрый Віктаравіч расказаў, чаму менавіта выбраў гэту прафесію, за што ён любіць сваю работу, пра яе значнасць у сельскай гаспадарцы.
Госць паказаў дзецям шматлікія граматы і дыпломы, якімі быў узнагароджаны за адданасць і адказнасць у нялёгкай сельскагаспадарчай працы.
І, вядома, самую галоўную ўзнагароду – медаль “За працоўныя заслугі”, які атрымаў асабіста ад Прэзідэнта нашай краіны .
Вольга БАНДАРЭНКА,
выхавальніца дашкольнай адукацыі Круцілавіцкай сярэдняй школы
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
