Некалькі дзён таму ў гаспадарцы стартавала ўборка: пачалі з яравога ячменю і азімага рапсу.
Разам з тым механізатары ўзяліся за азімую пшаніцу гатунку “Багатка” – на полі ў 68 гектараў ва ўрочышчы Смародзіна яе плануецца намалаціць больш за 100 тон.
Павіншаваць гаспадарку з “пшанічнымі” зажынкамі прыехаў старшыня райкама прафсаюза работнікаў АПК Уладзімір Казак.
Ён гаварыў з механізатарамі пра ўмовы працы і забяспечанасць харчаваннем, нагадаў, што ў поле трэба выходзіць у спецыяльным адзенні і абутку, параіў у гарачае надвор’е заўсёды мець з сабой добры запас пітной вады.
Разам з прадстаўнікамі КСУП “Войневічы”: дырэктарам Сяргеем Францішчыкам, галоўным аграномам Аляксандрам Лахачом і старшынёй прафсаюзнай пярвічкі Вольгай Сухецкай – Уладзімір Фёдаравіч павіншаваў камбайнераў з пачаткам уборкі чарговай зерневай культуры, пажадаў прадуктыўных працоўных будняў, спадарожнага “сельскагаспадарчага” ветру, каб кожны намалаціў у агульную “скарбонку” ўраджаю не адну тысячу тон зерня.
Памятныя падарункі атрымалі механізатары Дзмітрый Бяляўскі, Мікалай Макарчук, Дзмітрый Семянік і Дзмітрый Сухецкі.
Вадзім ФІЛІПОЎСКІ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
