Дзіцячы аздараўленчы летнік дзённага знаходжання “Позитиff” Дзятлаўскага раённага цэнтра карэкцыйна-развіваючага навучання і рэабілітацыі кожны дзень ладзіць для сваіх выхаванцаў конкурсы, мерапрыемствы, забавы.
Адзін з дзён змены быў адметны яркім Бой-Гёл-шоу “Міс і Містар Позитиff”. Для асаблівых дзяцей гэта былі не проста конкурсы, а магчымасць узаемадзейнічаць паміж сабой, паказваючы свае здольнасці, знаходлівасць, актыўнасць.
У час мерапрыемства дзеці гулялі з “чароўным” мяшочкам і адказвалі на пытанні, хлопчыкі змаглі паспрабаваць сябе ў ролі стылістаў-цырульнікаў, робячы прычоскі кліентам-дзяўчынкам. Дзяўчынкі на некаторы час сталі дызайнерамі адзення – ніхто з кавалераў не застаўся без ўбору.
Напрыканцы шоу былі выбраны самыя актыўныя і крэатыўныя Міс і МістарПозитиff.
Дзяцей чакае яшчэ некалькі дзён прыгодаў, гульнявых і конкурсных праграм. Няхай адпачынак у летніку стане адным з лепшых успамінаў пра сёлетнія канікулы!
Лілія ШУМСКАЯ,
настаўнік-дэфектолаг Дзятлаўскага раённага ЦКРНіР
