Сёння пра важнасць прафесіі энергетыка можа гаварыць кожны. Але ці кожны ведае, што за бесперабойнай падачай цяпла і святла ў дамы, офісныя будынкі, сацыяльныя ўстановы, асвятленне вуліцаў стаіць праца тысяч людзей па ўсёй краіне — энергетыкаў, сапраўдных прафесіяналаў сваёй справы.
Дзень энергетыка — прафесійнае свята ўсіх спецыялістаў, адказных за выпрацоўку і збыт спажыўцам цяпла і электраэнергіі. Гэта прафесійнае свята толькі для тых людзей, хто ўвесь дзень і ўсю ноч працуе, каб ва ўсіх дамах было святло і цяпло.
У гэты дзень спецыялісты энергетычнай галіны краіны атрымліваюць самыя шчырыя віншаванні ад калегаў, ад сваіх родных, блізкіх і знаёмых, а самае галоўнае — гэта павага да беларускіх энергетыкаў ад усёй краіны.
Раённы Савет дэпутатаў
Раённы выканаўчы камітэт
