22 сакавіка – Сусветны дзень вады

Міжнародная супольнасць з хваляваннем назірае за глабальным змяненнем навакольнага асяроддзя, вычарпаннем прыродных рэсурсаў і асабліва галоўнага з іх – вады.

На сённяшні дзень Рэспубліка Беларусь знаходзіцца ў параўнальна спрыяльных умовах па забяспечанасці воднымі рэсурсамі. На яе тэрыторыі працякае больш за 20 тысяч рэк і ручаёў, ёсць больш за 10 тысяч азёр, 143 дзеючыя вадасховішчы, каля 1500 сажалак. На тэрыторыі Дзятлаўскага раёна працякае 89 малых рэк і ручаёў, знаходзяцца 38 вадаёмаў і 2 вадасховішчы.

Агульныя прэсныя водныя рэсурсы Рэспублікі Беларусь складаюць 57,9 куб.км, а запасы падземнай прэснай вады 16-18 куб. км. Штогод на вытворчыя, камунальныя і пітныя патрэбы выкарыстоўваецца 1,7 куб. км свежай вады. Значную эканомію яе прыносіць укараненне сістэм абаротнага і паўторнага водазабеспячэння ў прамысловасці. Рэсурсы прэсных паверхневых і падземных водаў дастатковыя для задавальнення патрэбаў насельніцтва і ўсіх галінаў эканомікі.

Спажыванне пітной вады на душу насельніцтва ў сярэднім па рэспубліцы складае каля 220 літраў у суткі.

У той жа час выклікае непакой якасць паверхневых водаў, якая фарміруецца не толькі пад уздзеяннем сцёкавых водаў, якія скідваюцца, але і з прычыны вынасу забруджвальных рэчываў з урбанізаваных і сельскагаспадарчых тэрыторый.

Аднак варта адзначыць, што ў выніку скарачэння скідваннядадзеных водаў прыпыніўся працэс забруджвання водных аб’ектаў, намеціліся пазітыўныя тэндэнцыі ў экалогіі, адказвае ўстаноўленым у рэспубліцы нормам санітарна-гігіенічны стан падземных водаў на дзеючых водазаборах, за выключэннем павышанага ўтрымання жалеза і марганцу, у асноўным абумоўленага фактарамі натуральнага паходжання.

Памятайце: без вадыжыццё кожнага з нас была б немагчымым. Аднак за апошнія дзесяцігоддзі значэнне вады ў свядомасці людзей знізілася. Яна больш не з’яўляецца аб’ектам пакланення і захавання, а стала спажывецкім таварам, якім мы часта грэбуем. Тым часам80 працэнтаў нашага цела складаецца з вады, і дзве трэція зямной паверхні пакрыта ёю. Вада – гэта наша культура, наша жыццё.

Дзмітрый БАЛЬКОЎСКІ,
начальнік Дзятлаўскай раённай інспекцыі прыродных рэсурсаў і аховы навакольнага асяроддзя

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga