Паважаныя воіны-інтэрнацыяналісты!
Дзень 15 лютага – гэта не толькі дзень памяці ўсіх загінулых, але і выяўленне глыбокай удзячнасці тым, хто вярнуўся дадому, хто сумленна і мужна выканаў свой воінскі і грамадзянскі абавязак у Рэспубліцы Афганістан. Грамадствам дадзена высокая ацэнка значнасці выкананага абавязку ўсімі ўдзельнікамі афганскіх падзеяў.
Савецкі салдат у краіне гор і пустыняў супрацьстаяў набліжэнню сілаў міжнароднага тэрарызму да межаў Айчыны – і ў гэтым заключаецца яго вялікая заслуга.
Ёсць у тых гадоў і незагойная рана – гэта амаль пятнаццаць тысяч савецкіх воінаў, якія не вярнуліся дадому, сярод іх двое дзятлаўчан. Мы захоўваем вечную памяць аб загінулых. Нізкі паклон суайчыннікам, у якіх вайна адабрала блізкіх ім людзей.
Ад усёй душы жадаем воінам-інтэрнацыяналістам, ветэранам усіх войнаў і ўзброеных канфліктаў, іх родным і блізкім шчасця, удачы, здароўя і дабрабыту.
Раённы Савет дэпутатаў
Раённы выканаўчы камітэт
