У ААТ “Граніт-Агра” на полі паблізу вёскі Барышына адсвяткавалі “Зажынкі-2022”.
На мерапрыемстве, прысвечаным старту ўборачнай кампаніі на Дзятлаўшчыне, прысутнічалі кіраўніцтва раёна, дырэктар і вядучыя спецыялісты гаспадаркі, камбайнеры, вадзіцелі, работнікі зернесушыльных комплексаў, супрацоўнікі Данілавіцкага сельвыканкама, святары праваслаўнага і каталіцкага духавенства.
З зажынкамі ўдзельнікаў свята павіншаваў старшыня Дзятлаўскага райвыканкама Андрэй Садоўскі:
– Вырошчваць хлеб – гэта адна з самых дастойных і высакародных прафесій. Сёння на палях нашага раёна, сапраўды, добры ўраджай. Аднак яго трэба не толькі правільна вырасціць, але і сабраць з веданнем справы. Акрамя спрыяльнага надвор’я, багаты ўраджай у многім залежыць ад прафесіяналізму аграрыяў і гатоўнасці тэхнікі да ўборачнай. Варта адзначыць, што гранітаўцы заўсёды ўносяць значны ўклад у раённы каравай. Працягвайце ў тым жа духу і сваёй плённай працай прымнажайце “сельскагаспадарчую” скарбонку роднага краю. Няхай уборачная кампанія 2022 года пройдзе лёгка і эфектыўна, часцей рабоце спадарожнічае выдатнае надвор’е. Добрага ўраджаю, поспехаў, бадзёрасці і аптымізму. У добры шлях!
Таксама з пачаткам жніва прысутных павіншавалі кіраўнік ААТ “Граніт-Агра” Станіслаў Мазур, старшыня Данілавіцкага сельвыканкама Ганна Жых, галоўны аграном гаспадаркі Алена Майсейчык і галоўны інжынер сельгаспрадпрыемства Андрэй Падліпскі.
Удзельнікаў свята частавалі хлебам.
Па добрай традыцыі Станіславу Мазуру ўручылі сноп, які ён імкнуўся падняць як мага вышэй. У гэты момант усе загадвалі жаданні: каб жніво прайшло без страт, каб тэхніка не ламалася, каб Бог даў здароўе ўсім удзельнікам сёлятняй уборачнай.
Для работнікаў поля з музычнымі віншаваннямі выступалі артысты Данілавіцкага дома культуры.
Святары блаславілі аграрыяў на плённую працу і акрапілі святой вадой камбайнераў, тэхніку і хлебныя нівы.
Адразу са святочнай пляцоўкі механізатары адправіліся ўбіраць азімы ячмень. Старт дадзены. Справа за вамі, працаўнікі жніва!
Вадзім ФІЛІПОЎСКІ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga