Зусім нядаўна скончылася лета, якое прынесла школьнікам раёна не толькі яркі адпачынак, цікавыя сустрэчы і новыя ўражанні, але і магчымасць зарабіць грошы ў час канікулаў.
Старшакласнікі выбіралі для сябе спосаб сезоннага працаўладкавання: праз студатрады, Цэнтр занятасці або звярнуўшыся напрамую да кіраўніцтва арганізацый раёна.
Адзінаццацікласніца гімназіі № 1 горада Дзятлава Анастасія Швец прыйшла на летнюю занятасць у Дзятлаўскае РУП ЖКГ па рэкамендацыі таты, які шмат гадоў працуе тут вадзіцелем аўтамабільнага крана.
– Мне пазванілі з жылкамунгаса, я прайшла медагляд, сабрала ўсе неабходныя дакументы і прыйшла афармляцца ў аддзел кадраў. У той самы дзень прыступіла да абавязкаў сарціроўшчыка другаснай сыравіны на базе.
У пункце сарціроўкі Настасся працавала з двума сарціроўшчыцамі, якія заступалі пазменна. Усё па-даросламу: рабочы дзень, рэальная нагрузка, выкананне нормаў і планаў. Нягледзячы на такую занятасць, дзяўчына рада, што паспела і папрацаваць, і адпачыць гэтым летам:
– Хадзіла ўвечары гуляць з сябрамі, дапамагала бацькам, выхаднымі падарожнічала.
– Гэта першы твой працоўны вопыт?
– Не першы: раней працавала ад студатрада ў бібліятэцы, але гэта крышку іншае.
– Ці задаволіў заробак і на што ты яго патраціла?
– Усё атрымалася вельмі добра. Я адчула задавальненне ад таго, што зарабіла свае грошы, навучылася планаваць расходы: з першай зарплаты набыла тату новы мабільны тэлефон, да гэтага ў яго быў кнопачны, з другой – купіла сабе рэчы для школы.
Наперадзе ў Настассі адказны год падрыхтоўкі да цэнтралізаванага экзамену і паступлення на эканамічны факультэт ВНУ. Разам з тым яна спадзяецца, што і на наступны год атрымаецца папрацаваць у жылкамунгасе: запрашэнне дзяўчына ўжо атрымала.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
На Зецельскім фэсце гуляе народ,На плошчы вясёлы вядзе карагод,Танцуе, спявае і славіць сям’ю,А хтосьці газеце…
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…