Як выгадаваць здаровае і актыўнае пакаленне?

Гэта вырашалі ўдзельнікі семінара педагогаў-арганізатараў па актуальных пытаннях прывіцця здаровага ладу жыцця і папярэджання негатыўных з’яў у моладзевым асяроддзі, які прайшоў на Дзятлаўшчыне ў рамках абласной акцыі «Проста жыць», скіраванай на прафілактыку фактараў рызыкі суіцыдальных паводзінаў непаўналетніх.

Ключавым інструментам у рабоце была вызначана валанцёрская і сацыяльна значная дзейнасць.

Адкрыла сустрэчу галоўны спецыяліст аддзела адукацыі райвыканкама Алена Гарановіч.

Намеснік дырэктара па выхаваўчай рабоце Хвінявіцкай сярэдняй школы Таццяна Санцэвіч падзялілася вынікамі практычнай дзейнасці сваёй установы адукацыі, скіраванай на падтрыманне здаровага ладу жыцця ў навучэнцаў.

Асаблівую цікавасць удзельнікаў форуму выклікаў крэатыў-дыялог, прысвечаны сучасным падыходам да арганізацыі валанцёрскага руху ў сферы прапаганды здаровага ладу жыцця. Сваімі інавацыйнымі ідэямі з калегамі падзяліліся педагогі Хвінявіцкай сярэдняй школы.

У рамках семінара быў прадстаўлены квілт «Здорава-здарова», які ўключаў у сябе работу некалькіх інтэрактыўных пляцовак. У час яго каманда піянерскай дружыны імя Фёдара Сінічкіна прадэманстравала яркае сцяг-шоу «У рытме здаровага ладу жыцця».

Члены атрада «Наркапост» і педагогі-арганізатары правялі таймінг фокус-групы, прысвечаны стварэнню раённага сацыяльна значнага праекта «Мы пакаленне здаровага ладу жыцця», які змесціць у сабе розныя напрамкі дзейнасці, такія як прафілактыка шкодных звычак, папулярызацыя спорту і фізічнай актыўнасці, арганізацыя вольнага часу і развіццё валанцёрскага руху ў летні перыяд.

Работа студыі «ЛідарPаrty» была прадстаўлена ў фармаце КВІЗ «Здаровае пакаленне», у якім прынялі ўдзел каманды педагогаў-арганізатараў раёна, а вядучай выступіла загадчыца аддзялення дадатковай адукацыі Дзятлаўскага раённага цэнтра дадатковай адукацыі дзяцей і моладзі Ірына Мішчанка.

Скончыўся семінар энергічным флэш-мобам «Зажигай+» ад членаў атрада «Наркапост».

Мерапрыемства стала пляцоўкай для абмену вопытам, генерацыі новых ідэй і ўмацавання супрацоўніцтва паміж рознымі арганізацыямі і ўстановамі, зацікаўленымі ў фарміраванні здаровага і актыўнага пакалення.

Ірына СТЫРНІК
Фота Ірыны МІШЧАНКА

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#образование