Гэтае пытанне высвятлялася падчас агляду гатоўнасці кормаўборачнай тэхнікі да правядзення работ па нарыхтоўцы кармоў у 2020 годзе.
Да ўдзелу ў мерапрыемстве былі запрошаны кіраўнікі гаспадарак, галоўныя аграномы і галоўныя інжынеры, інжынеры па ахове працы.
Загадзя былі распрацаваны два маршруты, па якіх праехалі камісіі і наведалі мехдвары КСУПаў раёна.
Першы маршрут прадугледжваў праверку гатоўнасці корманарыхтоўчай тэхнікі ў КСУПах “Русь-Агра”, “Жукоўшчына”, “Хвінявічы”, “Вензавец”. Камісія на чале з начальнікам упраўлення сельскай гаспадаркі і харчавання райвыканкама Міхаілам Бабінам наведала названыя гаспадаркі, дзе выявіла, як забяспечаны яны спраўнай тэхнікай, механізатарскімі кадрамі, якія існуюць праблемы.
На другім маршруце працавала камісія на чале са старшынёй Дзятлаўскага райвыканкама Андрэем Садоўскім. Аглядавая камісія наведала КСУПы “Дварэц-Агра”, “Белагурна”, “Войневічы”, “Слава працы”.
Асабліва добрае ўражанне – ад наведвання КСУП “Войневічы”. Да касавіцы тут гатовы ўсе пяць корманарыхтоўчых камбайнаў. На іх будуць працаваць вопытныя механізатары Мікалай Макарчук, Дзмітрый Ерамейчык, Анатоль Загдай і браты Сухецкія – Дзмітрый і Павел, неаднаразовыя пераможцы працоўных спаборніцтваў і на касавіцы, і на жніве.
Як расказаў галоўны інжынер КСУП “Войневічы” Дзмітрый Лазоўскі, гаспадарка забяспечана кормаўборачнай тэхнікай. Сёлета належыць першым укосам скасіць на сянаж травы на плошчы ў 700 гектараў, а сена нарыхтаваць са 105 гектараў. Мяркуючы па надвор’і, на нарыхтоўку кармоў першым укосам спатрэбяцца прыкладна два тыдні.
Агляд гатоўнасці гаспадарак да касавіцы – гэта не толькі высвятленне, як адрамантавана тэхніка. Падчас мерапрыемства значная ўвага звяртаецца на пытанні захавання патрабаванняў аховы працы пры нарыхтоўцы кармоў, падрыхтоўкі сянажных і сіласных траншэяў, складоў для захоўвання насеннага матэрыялу, і, безумоўна, асаблівая ўвага – тэхналогіі нарыхтоўкі кармоў у сельскагаспадарчых арганізацыях. Прапісная ісціна: ад таго, колькі і якой якасці будуць нарыхтаваны кармы, залежаць аб’ёмы малака і мяса.
Інэса МІХАЙЛОЎСКАЯ
Фота Вольгі ЮШКЕВІЧ
Рамін Чабанаў, гаспадар магазіна “Фруктовая крама”, што знаходзіцца па вуліцы Леніна ў горадзе Дзятлаве, родам…
У горадзе Дзятлаве па вуліцы Слонімскай, 27 працуе фірменны магазін айчыннага вытворцы “Мэбля Пінскдрэў”, які…
Паважаныя работнікі і ветэраны галіны гандлю! Прыміце шчырыя віншаванні з прафесійным святам! Ваша галіна ўносіць…
Пытанне: што чакае маладога спецыяліста, які не выйшаў на работу па размеркаванні? Адказ: такі факт…
31 июля Госавтоинспекция проведет Единый день безопасности дорожного движения, посвященный пропаганде использования ремней безопасности, детских удерживающих устройств и мотошлемов.…
Звычайны дзень у сельскім выканаўчым камітэце: хтосьці просіць пахадайнічаць аб больш спрыяльным раскладзе аўтобусаў, другі…