На Дзятлаўшчыне сёлета адзначаецца рост колькасці пажараў.
У агні ў нашым раёне загінулі чатыры чалавекі. Усе яны – дарослыя людзі, аднак для кагосьці былі блізкімі і сваякамі.
Асабліва горка, калі ахвярамі агню становяцца непаўналетнія. Такі выпадак адбыўся некалькі тыдняў таму на Міншчыне. Зразумела, што гэта нават не Гродзенская вобласць, аднак вучыцца лепш на чужых памылках.
– Абставіны здарэння высвятлялі следча-аператыўная група і супрацоўнікі Мінскага абласнога ўпраўлення Следчага камітэта, узбуджана крымінальная справа, – расказаў старшы следчы Дзятлаўскага раённага аддзела СК Аляксандр Макуца. – Загінулі дзве дзяўчынкі трох і пяці гадоў. Па папярэдняй інфармацыі, вечарам 14 кастрычніка маці і бацька загінулых знаходзіліся ў суседнім пакоі, калі да іх падбегла дзіця і паведаміла аб тым, што выпадкова падпаліла занавеску. Жанчына выбегла на вуліцу, пакінуўшы маленькіх дачок дома. Мужчына паспрабаваў самастойна патушыць узгаранне, але безвынікова. Ён атрымаў тэрмічныя апёкі і быў дастаўлены ў бальніцу, а дзве дзяўчынкі ад атрыманых траўмаў памерлі на месцы. Устаноўлена, што муж і жонка знаходзіліся ў стане алкагольнага ап’янення. Шматдзетная сям’я ў сацыяльна небяспечным становішчы не знаходзілася. Усе абставіны здарэння будуць устаноўлены ў ходзе следства.
У крытычнай сітуацыі людзі губляюцца. Каб выбраць правільны алгарытм дзеянняў пры надзвычайных здарэннях, Аляксандр Макуца параіў запомніць некалькі простых правілаў бяспекі. Па-першае, ні пры якіх абставінах не варта пакідаць малых дзяцей без нагляду: яны павінны быць на адлегласці выцягнутай рукі дарослага, каб можна было своечасова зрэагаваць на неспадзяваны выпадак. Па-другое, нельга дапускаць свавольства непаўналетніх з агнём. Па-трэцяе, неабходна сачыць за працуючымі газавымі і электрапрыборамі, а пры адсутнасці дома гаспадароў – выключаць іх. Ні ў якім разе нельга карыстацца электрапрыборамі кустарнай вытворчасці, бо завадскія праходзяць тэсціроўку і спецыяльную праверку на бяспечнасць.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Два гады дзятлаўчане з нецярпеннем чакалі адзін з самых пяшчотных, вытанчаных і грацыёзных конкурсаў, які…
Пытанне: якія меры асабістай бяспекі на чыгунцы неабходна выконваць, каб засцерагчы сваё жыццё і маёмасць?…
Весела і ўрачыста з песнямі ад мінскай групы “Добрыя людзі”, шчырымі пажаданнямі і заслужанымі ўзнагародамі…
До начала учебного года осталось совсем немного времени, а значит, сейчас самое время подготовиться к…
Президенты Беларуси и Мьянмы во время состоявшейся 20 августа неформальной встречи обсудили все направления сотрудничества.…
21 жніўня ў Гродне прайшла традыцыйная штогадовая жнівеньская педагагічная нарада, якая сабрала разам кіруючых работнікаў…