“Вясёлка асенняга настрою”

21 лістапада 2018 года ў аграгарадку Войневічы быў праведзены сельскі сход з удзелам прадстаўнікоў суб’ектаў прафілактыкі раёна.

Да пачатку мерапрыемства для дзяцей быў арганізаваны паказ пажарнай тэхнікі і абсталявання. Сход скончыўся канцэртам “Вясёлка асенняга настрою”, які быў арганізаваны сектарам пазастацыянарнага абслугоўвання насельнiцтва Дзятлаўскага цэнтра культуры і народнай творчасці.

Душэўныя песні, гумар і цудоўны настрой дарылі Ганна Харлінская, Марына Варган, сямейны дуэт Аляксандра і Людмілы Баклушыных, Іван Кашко і непаўторная вядучая Ірына Цяцерына.

Апладысменты і добрыя словы ад жыхароў аграгарадка Войневічы сталі найлепшай падзякай артыстам.