Калектыў Дзятлаўскага філіяла дзяржаўнага прадпрыемства “Гроднааблпаліва” заняў другое месца ў абласным аглядзе-конкурсе па добраўпарадкаванні філіялаў і прылеглых да іх тэрыторый у 2023 годзе, за што быў адзначаны Ганаровай граматай.
Кіраўнік філіяла Васілій Шпакоўскі расказаў аб тым, як удалося дасягнуць высокага выніку:
– Другое месца ў вобласці – дастойны высокі вынік, які, тым не менш, не стаў для нас сюрпрызам. З пачатку гэтага года мы актыўна працавалі па навядзенні парадку на сваёй тэрыторыі, ішлі да намечанай мэты.
– Якія эмоцыі ад узнагароды?
– Калі мне ўручаў грамату генеральны дырэктар КУП “Гроднааблпаліва” Іван Крахмальчык, лёс якога цесна звязаны з нашым раёнам, я адчуваў гонар, што мы трымаем высокую планку, дастойна прадстаўляем родную Дзятлаўшчыну. Таксама мяне перапаўняла пачуццё ўдзячнасці ўсяму калектыву філіяла за старанную працу, ініцыятыўнасць і адказныя адносіны да агульнай справы.
– Па якіх крытэрыях ацэньваліся канкурсанты?
– Улічваліся стан адміністрацыйнага будынка, уласных і прылеглых тэрыторый, складоў, бытавых падсобных памяшканняў, абсталявання і тэхнікі, культура захоўвання паліва. Па суме ўсіх гэтых балаў мы сталі другімі ў вобласці. За гэты год мы шмат чаго дасягнулі: зрабілі капітальны рамонт даху, уласнымі сіламі адрамантавалі грузавы аўтамабіль МАЗ, добраўпарадкавалі тэрыторыю, правялі рамонт у кабінетах. Усё гэта станоўча паўплывала на ўмовы працы людзей і якасць прадукцыі, якую адзначаюць нашы кліенты.
– Што яшчэ, на вашу думку, паспрыяла перамозе?
– Знакавай падзеяй гэтага года стала закладка фруктовага саду ў рамках рэспубліканскага суботніка і да 525-годдзя горада Дзятлава з удзелам калектыву прадпрыемства, старшыні райвыканкама Андрэя Садоўскага і яго намеснікаў, дырэктара і калектыву Дзятлаўскага цэнтра банкаўскіх паслугаў “Белаграпрамбанка”. Наш філіял размяшчаецца на ўездзе ў наш прыгожы горад Дзятлава, таму ў пэўнай ступені з’яўляецца яго візітнай карткай. Дрэўцы хутка падрастуць, будуць радаваць жыхароў і гасцей горада, а таксама, упэўнены, дадуць добры ўраджай садавіны.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
18 чэрвеня на Дзятлаўшчыне прайшоў Адзіны дзень інфармавання. Працавала некалькі інфармацыйна-прапагандысцкіх груп. Група старшыні райвыканкама…
Президент Беларуси подчеркнул важность качественной подготовки офицеров. Президент Беларуси Александр Лукашенко заслушал доклад о предложениях…
На 20 чэрвеня аб’яўлены абласны суботнік, сродкі ад якога накіруюць на завяршэнне будаўніцтва Гродзенскага абласнога…
У рамках праводзімых мабілізацыйных вучэнняў на тэрыторыі Гродзенскай вобласці ваеннаабавязаныя прыбылі на даўкамплектаванне ваеннага камісарыята…
Современные средства персональной мобильности с аккумуляторными батареями – электроскутеры, электровелосипеды, гироборды и другие устройства –…
С 16 по 17 июня в Бресте проходило открытое первенство Республики Беларусь по легкой атлетике…