Увага: конкурс! “Права на здароўе” для моладзі СНД

На VI пасяджэнні Камісіі па правах чалавека Садружнасці Незалежных Дзяржаў, удзельніцай якой з’яўляецца Рэспубліка Беларусь, прынята рашэнне аб правядзенні ў дзяржавах-членах камісіі творчага конкурсу эсэ, відэасюжэтаў, фотаздымкаў і малюнкаў “Права на здароўе”, які прымеркаваны да Года аховы здароўя ў СНД.

Асноўнымі мэтамі конкурсу з’яўляюцца садзейнічанне фарміраванню ў маладых людзей культуры здаровага ладу жыцця і адказных адносін да свайго здароўя, а таксама павышэнне ўзроўню іх дасведчанасці аб правах чалавека ў сферы аховы здароўя.

Якасныя арганізацыя і правядзенне конкурсу будуць садзейнічаць далейшаму ўмацаванню міжнароднага аўтарытэту Рэспублікі Беларусь у Садружнасці.

Нацыянальны (адборачны) этап конкурсу будзе праходзіць у дзяржавах-членах камісіі ў перыяд з 1 мая па 31 жніўня 2026 года па наступных намінацыях: “Лепшае эсэ”, “Лепшы відэасюжэт”, “Лепшы фотаздымак”, “Лепшы малюнак”.

Патрабаванні да конкурсных работ і парадак падачы заяўкі на ўдзел можна знайсці ў Палажэнні аб конкурсе, якое размешчана на афіцыйным сайце Выканаўчага камітэта СНД.

Конкурсныя работы для ўдзелу ў нацыянальным (адборачным) этапе ў Рэспубліцы Беларусь трэба накіроўваць на адрас электроннай пошты konkurs.pravo.na.zdorovye@mail.ru.

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga