Без электраэнергіі не магчыма жыццё сучаснага чалавека.
Электрычнасць – наш верны памочнік у рабоце і ў побыце. У кожнай школе, дамах устаноўлены электрычныя прыборы, якія пры нармальнай эксплуатацыі бяспечныя. Але электрычная энергія тоіць у сабе небяспеку, калі парушаюцца правілы яе прымянення. Электрычны ток, які пройдзе праз цела чалавека, можа выклікаць апёкі, страту прытомнасці, спыненне дыхання і нават смерць.
Кожны год у Рэспубліцы гінуць людзі ад паражэння электрычным токам. Асноўныя прычыны няшчасных выпадкаў – уздымы на апоры ліній электраперадач, накіды на правады і іх абрывы, пранікненне ў размеркавальныя ўстройствы электраўстановак старонніх асобаў.
Так, жыхар Петрыкаўскага раёна вырашыў папарыцца ў лазні. Падчас мыцця свяцільнік абарваўся, і сілкавальны провад з аголенымі жыламі закрануў столь парылкі, абабітай металічнай фальгой. Пацярпелы дакрануўся да металічнай фальгі, якая была пад напружаннем, і быў смяротна паражоны электрычным токам.
Памятайце, што электрычнасць не даруе нядбайнасці і памылак. Невыкананне правілаў электрабяспекі можа стварыць пагрозу жыцця і здароўя людзей, прывесці да няшчаснага выпадку.
Вячаслаў ПЯТРАШ,
дзяржаўны інспектар па энергагазнаглядзе
Андрэй ГОМАН,
намеснік галоўнага інжынера Дзятлаўскага РЭС
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…