Сяргей Адаменка: “Мы стараемся задаволіць інтарэсы ўсіх заяўнікаў”

25 верасня выязны прыём грамадзян у Дзятлаве правёў намеснік міністра энергетыкі Сяргей  Адаменка.

Ён даў каментарый паводле тых пытанняў, якія часцей за ўсё хвалююць нашых грамадзян.

– Важна, што ў асноўным усе звароты здымаюцца на мясцовым узроўні, і гэта сведчыць аб выніковасці работы органаў выканаўчай улады. Тым не менш, калі яны ўсё ж паступаюць і патрабуюць больш канцэптуальных рашэнняў, мы стараемся задаволіць інтарэсы ўсіх заяўнікаў.

Гаворка ідзе пра мадэрнізацыю электрасетак, работа якіх не заўсёды якасная. У асноўным гэта звязана з тэрмінам эксплуатацыі электрычных сетак. Будаўніцтва новых ліній электраперадач і ўвогуле энергетычнай інфраструктуры ідзе пакуль што, на жаль, не такімі, як хацелася б, тэмпамі. Усё ж калі ў 2020 годзе па краіне было рэканструявана каля дзвюх тысяч кіламетраў электрасетак, то ў гэтым выходзім на  чатыры тысячы, у планах да 2030 года – сем тысяч кіламетраў.

Другое пытанне, якое хвалюе людзей сёння – па электранагрэве. Ёсць справядлівыя акалічнасці і ў гэтай тэме: калі побач праходзіць газаправод, на яго патрачаны вялікія дзяржаўныя сродкі, таму апраўдана карыстанне менавіта гэтым відам энергіі. Але ж і выкарыстанне электранагрэву, мы адзначаем, расце высокімі тэмпамі і карыстаецца попытам у насельніцтва.

Хацелася б адзначыць, што Дзятлаўскі раён своечасова падрыхтаваны да зімы, без затрымкі ідзе разлік за спажываемую электраэнергію. Сам горад і раён радуе сваёй утульнасцю, добраўпарадкаванасцю, тымі новабудоўлямі, якія з’яўляюцца год за годам, адказнасцю, працавітасцю і добразычлівасцю людзей, якія тут жывуць.

Таццяна САНЮК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#нашелучшее #нашалепшае