Нядаўна чытачы Дзятлаўскай раённай бібліятэкі сустрэліся з цікавым і творчым чалавекам — мастаком, членам Саюза майстроў Рэспублікі Беларусь Надзеяй Салейка.
“Калі работа любімая, то яна — свята”, — гэтыя словы з’яўляюцца творчым крэда Надзеі Салейка. Менавіта такі падыход да справы і дазваляе ёй ствараць унікальныя карціны з гліны ў спалучэнні з дрэвам, металамі.
Шэраг арыгінальных работ слонімскай мастачкі ўдзельнікі мерапрыемства ўбачылі на выставе, якая працавала ў бібліятэцы, а таксама ў час відэапрэзентацыі.
Надзея Салейка яшчэ і чалавек з вакальным талентам, мае паэтычную здольнасць. На сустрэчы ў бібліятэцы яна прачытала ўласныя вершы, а таксама выканала рамансы на вершы Цвятаевай, Дэльвіга, аўтарскія творы.
А. ДУБРОЎСКАЯ
Фота П. АДАМЧУКА
