Навучэнцы нашага 10 класа інжынернай накіраванасці сярэдняй школы № 3 горада Дзятлава імя І. Ю. Філідовіча наведалі хлебны цэх Дзятлаўскага філіяла Гродзенскага аблспажыўтаварыства, дзе пазнаёміліся з працэсам прыгатавання хлебабулачных вырабаў.
Там мы назіралі, як замешваюць цеста, а затым яго фармуюць. Таксама пабывалі ў цэху гатовай прадукцыі, дзе пакаштавалі на смак свежы, нарэзаны спецыяльна для нас батон.
Прыемным і цікавым стала знаёмства ў час экскурсіі з каравайніцай Марыяй Клімец, якая ўжо шмат гадоў выпякае святочныя караваі. Сёлета яна таксама прымала ўдзел у вырабе галоўнага сімвала ўраджаю, які адправіўся на абласныя “Дажынкі” ў Ваўкавыск.
Талент і праца майстроў не засталіся без увагі: ад кіраўніцтва раёна падзякаваў жанчынам і ўзнагародзіў іх намеснік старшыні райвыканкама Вадзім Бялятка.
Нас таксама пачаставалі духмянымі булачкамі. Дзякуй вялікі за пачастункі і за работу ўсім людзям, дзякуючы якім у нашы дамы трапляе смачны і духмяны хлеб.
Ясенія САЛАЎЁВА,
навучэнка 10 класа інжынернай накіраванасці
Фота рэдакцыі газеты “Перамога”
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае
