Следчы камітэт інфармуе. Вашы рэчы – ваш клопат

Лета – сезон адпускоў, але, на жаль, і актывізацыі пляжных злодзеяў.

Пра што варта памятаць адпачывальнікам, расказала старшы следчы раённага аддзела Следчага камітэта Ірына Яновіч:

– Большасць крадзяжоў учыняецца менавіта таму, што гаспадары кепска сочаць за сваёй маёмасцю. Пакуль людзі атрымліваюць асалоду ад сонца і вады, зламыснікі ўважліва за імі назіраюць. Найчасцей крадуць мабільныя тэлефоны, кашалькі, сумкі, ювелірныя ўпрыгажэнні, гадзіннікі, адзенне. Злачынцы дзейнічаюць у шматлюдных месцах і карыстаюцца няўважлівасцю сваіх ахвяр.

Каб не застацца без маёмасці і не сапсаваць сабе адпачынак, варта прытрымлівацца простых правіл:

— на пляж барць мінімум рэчаў, абавязкова пакінуць дома ўпрыгажэнні, каштоўнасці, буйныя сумы грошай, захапіць можна тэлефон і невялікую суму на расходы, аднак трымаць іх пад наглядам;

— нават на некалькі хвілін не пакідаць рэчы без кантролю, не класці іх за спінай, а размясціць у полі зроку, не хаваць тое, што дорага каштуе, у абутак ці пад ручнік (там злодзеі шукаюць у першую чаргу);

— лепш адпачываць кампаніяй, каб мець магчымасць наглядаць за маёмасцю па чарзе, калі ж чалавек адзін, то можа папрасіць аб гэтым суседзяў па пляжы;

— калі на пляжы ёсць камеры захоўвання, то найлепш скарыстацца імі.

Тым, хто стаў ахвярай крадзяжу, неабходна неадкладна паведаміць пра злачынства па нумары 102.   

Ірына СТЫРНІК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga