Апошнія дні дабрачыннай навагодняй акцыі “Нашы дзеці”, якая 15 студзеня ўжо развітаецца з юнымі беларусамі, каб праз 12 месяцаў сустрэцца зноў, па-ранейшаму не пакідаюць дзятву без падарункаў і прыемных сустрэч.
Напярэдадні Калядаў у прытулак сацыяльна-педагагічнага цэнтра горада Дзятлава павіншаваць дзяцей, падарыць ім жаданыя падарункі і цукеркі прыехалі прадстаўнікі гаспадарак раёна – ААТ “Граніт-Агра”, КСУПаў “Войневічы”, “Хвінявічы”, “Жукоўшчына”. Ва ўстанове да іх далучылася галоўны спецыяліст аддзела адукацыі райвыканкама Алена Чайкоўская.
Юным насельнікам прытулка госці пажадалі расці здаровымі і шчаслівымі, часцей бываць дома, старанна вучыцца, стаць годнымі людзьмі і добрымі спецыялістамі. Працоўнаму калектыву установы – заставацца ўсё такімі ж цудоўнымі людзьмі з сэрцамі, адкрытымі для дзяцей, а яшчэ –працоўных поспехаў, невычэрпнай энергіі, ладу і дабрабыту ў сем’ях.
Каб падоўжыць прыемныя хвіліны сустрэчы, выхавальнік Алена Яблонская прапанавала прысутным далучыцца да гульні на кемлівасць. Дарослыя і дзеці паразгадвалі загадкі, а затым настаў прыемны момант уручэння падарункаў. Зусім нядаўна юныя насельнікі прытулка выказалі пажаданне мець магчымасць бавіць свой вольны час, у тым ліку за праглядам тэлевізара, – і вось ужо іх чарговая мара збылася.
Работнікі сельскагаспадарчай галіны прывезлі для сацыяльна-педагагічнага цэнтра вялікі тэлевізар, а кожнаму з дзяцей – салодкія падарункі. Хлопчыкі і дзяўчынкі таксама паклапаціліся, каб іх дабрадзеі не пакінулі прытулак з пустымі рукамі: разам са сваімі выхавальнікамі яны змайстравалі для іх прыгожыя святочныя паштоўкі, напісалі пажаданні.
На развітанне работнікі гаспадарак выказалі сваю ўпэўненасць у тым, што кожнаму даросламу па сілах у святочныя дні падзяліцца цяплом сваіх сэрцаў і добрым настроем з дзецьмі, якія трапілі ў складаную жыццёвую сітуацыю, бо вельмі важна, каб маленькія людзі не страчвалі веру ў дабрыню і цуды, а таму спецыялісты паабяцалі прадоўжыць сваё сяброўства з сацыяльным прытулкам.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
18 чэрвеня на Дзятлаўшчыне прайшоў Адзіны дзень інфармавання. Працавала некалькі інфармацыйна-прапагандысцкіх груп. Група старшыні райвыканкама…
Президент Беларуси подчеркнул важность качественной подготовки офицеров. Президент Беларуси Александр Лукашенко заслушал доклад о предложениях…
На 20 чэрвеня аб’яўлены абласны суботнік, сродкі ад якога накіруюць на завяршэнне будаўніцтва Гродзенскага абласнога…
У рамках праводзімых мабілізацыйных вучэнняў на тэрыторыі Гродзенскай вобласці ваеннаабавязаныя прыбылі на даўкамплектаванне ваеннага камісарыята…
Современные средства персональной мобильности с аккумуляторными батареями – электроскутеры, электровелосипеды, гироборды и другие устройства –…
С 16 по 17 июня в Бресте проходило открытое первенство Республики Беларусь по легкой атлетике…