Сярэдняя зарплата ў бюджэтнай сферы ў 2018 годзе складзе не менш як Br700, паведаміла міністр працы і сацыяльнай абароны Ірына Касцевіч 3 снежня ў эфіры тэлеканала АНТ.
«На 2018 год таксама прадугледжаны рост заработнай платы ў бюджэтнай сферы. Плануецца выйсці ў сярэднім пры кансерватыўным сцэнарыі на Br700. Калі, вядома, эканоміка забяспечыць адпаведны рост — а задача стаіць 103,5 працэнта (тэмп росту ВУП), — то, я думаю, Br760 у сярэднім у бюджэтнай сферы мы зможам забяспечыць», — сказала Ірына Касцевіч.
Што датычыцца ўзроўню зарплаты ў снежні, у сярэднім яна павышана на 7 працэнтаў. Прычым павышэнне залежыць ад разразу кожнага работніка. У катэгорый работнікаў,тарыфікуемых з 1-га па 9-ы разрады, у сярэднім зарплата паднімецца на 9-15 працэнтаў (або на Br26-Br35). У сферы культуры гэта датычыцца бібліятэкараў, экскурсаводаў, кіраўнікоў гурткоў, у сферы сацыяльных паслуг — нянь, сядзелак, сацыяльных работнікаў, у адукацыі ў рамках адпаведных разрадаў — памочнікаў выхавальнікаў, выхавальнікаў. З 9-га па 17-ы разрады павышэнне складзе да Br24. Гэта датычыцца настаўнікаў, урачоў, эканамістаў, юрыстаў.
Пры гэтым у большым памеры зарплата вырасце менавіта ў нізкааплатных катэгорый работнікаў, тарыфікуемых з 1-га па 4-ы разрады.
Паводле слоў Ірыны Касцевіч, у цэлым павышэнне заработнай платы закране каля 88 працэнтаў занятых у бюджэтнай сферы. Гэта амаль 750 тыс. чалавек.
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…