Падтрымка сем’яў з дзецьмі ў Беларусі з’яўляецца нацыянальным прыярытэтам.
– Для гэтага ў нашай краіне рэалізуецца шэраг мер з асаблівым акцэнтам на шматдзетныя сем’і, сярод іх – праграма сямейнага капіталу, якая функцыянуе з 2015 года, – расказала галоўны спецыяліст упраўлення па працы, занятасці і сацыяльнай абароне райвыканкама Наталля Чарняк. – У адпаведнасці з пунктам 4 Палажэння аб прадастаўленні сямейнага капіталу, зацверджанага Указам Прэзідэнта Рэспублікі Беларусь ад 18 верасня 2019 года № 345, сямейны капітал прызначаецца з 1 студзеня 2015-га па 31 снежня 2029 года пры нараджэнні, усынаўленні, удачарэнні трэцяга або наступных дзяцей, калі з улікам такога дзіцяці ў сям’і на дату яго ці іх нараджэння, усынаўлення, удачарэння гадуецца не менш, чым трое дзяцей ва ўзросце да 18 гадоў.
Прызначаецца сямейны капітал асобам, якія з’яўляюцца грамадзянамі Рэспублікі Беларусь на дату нараджэння, усынаўлення, удачарэння трэцяга або наступных дзяцей, або асобам, якія набылі грамадзянства Рэспублікі Беларусь на працягу аднаго года з даты нараджэння, усынаўлення, удачарэння трэцяга або наступных дзяцей, і пастаянна жывуць у Беларусі на гэтую дату.
Сярод умоў, якія ўлічвае заканадаўства: бацькі не павінны быць пазбаўленыя бацькоўскіх правоў у адносінах да дзяцей, якія ўваходзяць у састаў сям’і на момант прызначэння сямейнага капіталу. Дзеці на дату падачы заявы аб прызначэнні сямейнага капіталу павінны жыць у Беларусі, не быць прызнанымі ў сацыяльна ненадзейным становішчы або адабранымі з сям’і па рашэнні органа апекі, камісіі па справах непаўналетніх. Важнай умовай з’яўляецца занятасць. Так, працаздольны бацька (айчым) у поўнай сям’і, працаздольныя бацька ці маці ў няпоўнай сям’і, усынавіцель, удачарыцель павінны быць занятыя на дату падачы заявы аб прызначэнні сямейнага капіталу і не менш за 6 месяцаў у агульнай складанасці з апошніх 12 месяцаў перад месяцам, у якім пададзена заява.
Даведка: для гэтых мэтаў занятасць разглядаецца ў адпаведнасці з Палажэннем, зацверджаным пастановай Савета Міністраў Рэспублікі Беларусь ад 31 сакавіка 2018 года № 239 “Аб парадку аднясення працаздольных грамадзян да не занятых у эканоміцы, фарміравання і вядзення базы такіх працаздольных грамадзян, не занятых у эканоміцы, уключаючы ўзаемадзеянне для такіх мэтаў дзяржаўных органаў і арганізацый”. З улікам нормаў пастановы, да занятасці адносіцца работа, служба, вучоба і іншая дзейнасць на тэрыторыі Рэспублікі Беларусь, а таксама работа па працоўным дагаворы, праходжанне службы па кантракце на тэрыторыі дзяржаў–удзельніц Еўразійскага эканамічнага саюза (Расія, Казахстан, Арменія, Кыргызстан).
Сямейны капітал назначаецца ў памеры, устаноўленым на дату нараджэння, усынаўлення, удачарэння трэцяга або наступных дзяцей, народжаных, усынаўлёных, удачароных у 2020-2029 гадах.
З 1 студзеня 2025 года памер сямейнага капіталу складае 33 275 беларускіх рублёў: менавіта гэта сума прызначаецца сем’ям пры нараджэнні, усынаўленні, удачарэнні трэцяга або наступных дзяцей у перыяд з 1 студзеня па 31 снежня 2025 года.
Пачынаючы з 1 студзеня 2021 года для захавання пакупніцкай здольнасці памер сямейнага капіталу належыць штогадовай індэксацыі нарастаючым вынікам на велічыню індэкса спажывецкіх цэн, які разлічваецца Нацыянальным статыстычным камітэтам.
Новы памер сямейнага капіталу будзе размешчаны Міністэрствам працы і сацыяльнай абароны на афіцыйным сайце не пазней за 31 студзеня 2026 года.
Даведка: пры нараджэнні, усынаўленні, удачарэнні трэцяга або наступных дзяцей у перыяд з 1 студзеня па 31 снежня 2020 года сямейны капітал прызначаўся ў памеры 22 500 рублёў, у гэты ж перыяд 2021 года – у памеры 23 737,5 рублёў, 2022 года – 25 995 рублёў, 2023 года – 29 950 рублёў, 2024 года – 31 480 рублёў.
Па заяве грамадзяніна, якому прызначаны сямейны капітал, у ААТ “ААБ Беларусбанк” адкрываецца рахунак па ўліку ўкладу (дэпазіту) “Сямейны капітал”, на якім размяшчаюцца сродкі сямейнага капіталу. За перыяд знаходжання грашовых сродкаў на такіх укладах-дэпазітах банк налічвае працэнты, якія капіталізуюцца (залічваюцца ва ўклады) штогод у апошні працоўны дзень года, а таксама пры поўным запатрабаванні сродкаў сямейнага капіталу.
Па прызначэнне сямейнага капіталу грамадзяне могуць звяртацца ў раённы, гарадскі выканаўчы камітэт, мясцовую адміністрацыю раёна ў горадзе ў адпаведнасці з рэгістрацыяй па месцы жыхарства (знаходжання) на працягу 18 гадоў з дня нараджэння дзіцяці або дзяцей, у сувязі з нараджэннем, усынаўленнем, удачарэннем якіх яны маюць права на прызначэнне сямейнага капіталу.
У нашым раёне трэба звяртацца ў службу “адно акно” райвыканкама, якая знаходзіцца па адрасе: г. Дзятлава, вул. Чырвонаармейская, 21.
Разам з заявай аб прызначэнні сямейнага капіталу неабходна падаць дакументы, прадугледжаныя ў пункце 2.46 пераліку адміністрацыйных працэдур, якія ажыццяўляюцца дзяржаўнымі органамі і іншымі арганізацыямі па заявах грамадзян, зацверджанага Указам Прэзідэнта Рэспублікі Беларусь ад 26 красавіка 2010 года № 200.
Дадатковую інфармацыю па тэме можна атрымаць па тэлефоне 3-03-20.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
